CAF ishyigikiye Sheik Salman

Uwufise ububasha kw’isanamu Reuters
Image caption Sheikh Salman Bin Ebrahim Al-Khalifa

Impuzamashyirahamwe y'umupira w'amaguru muri Afurika - CAF - yatangaje ko izashyigikira Sheikh Salman Bin Ebrahim Al-Khalifa wo muri Bahrain mu matora w'umukuru w'ishyirahamwe ry'umupira w'amaguru ku isi, FIFA.

Ayo matora ateganijwe mu kongere ya FIFA izabera i Zurich ku itariki ya 26 za kuno kwezi.

Muri ayo matora CAF niyo ifite amajwi menshi kubera ko igizwe n'ibihugu 54.

Bane mu bakandida batanu bafite ikizere cyo gusimbura Sepp Blatter bari mu nama yabereye mu Rwanda aho bari bajyanwe no gushaka abazabashyigikira.

Sheikh Salman aboneka nk'umukandida urusha abandi babiri amahirwe menshi yo gutorwa.

Uwo bahanganye cyane akaba ari Gianni Infantino wo mu Busuwisi ushyigikiwe cyane n'Uburayi bukurikiye Afurika mu kugira amajwi menshi.

Bishatse kuvuga rero ko CAF itazashyigikira umukandida w'umunyafurika, Tokyo Sexwale.