Uganda:Basoje igikorwa cyo kwiyamamaza

Abakandida 8 biyamamariza kuyobora igihugu cya Uganda basoje igikorwa cyo kwiyamamaza kuri uyu mugoroba, amatora azaba kuwakane.

Abakandida 3 bakomeye, Perezida Yoweri Museveni, Kizza Besyige na Amama Mbabazi biyamamarije mu murwa mukuru, Kampala.

Perezida Museveni, umaze imyaka 30 k'ubutegetsi afite amahirwe yo kongera gutorwa.

Abahanganye nawe bakomeye, Kizza Besyigye na Amama Mbabazi barabona ko amahirwe y'ayo matora kuba mu mucyo kandi mu buryo busesuye ari make kubera ko akanama gashinzwe amatora n'inzego zishinzwe umutekano bibogamiye k'ubutegetsi.

Ariko leta irabihakana, iravuga ko bashakisha impamvu bazakoresha nibananirwa gukura Museveni k'ubutegetsi.