Libiya: Ibitero byo mu kirere byibasiye abarwanyi ba IS

Uwufise ububasha kw’isanamu Autoridades tunecinas
Image caption Ifoto ya Noureddine Chouchane yerekaywe kare, ukekwa kuba yiciwe mu gitero

Indege z’intambara za Amerika zagabye ibitero ku barwanyi b’umutwe wa kiyisilamu wa IS muri Libiya zica abantu 30.

Abategetsi muri Leta Zune Ubumwe za Amerika bavuze ko abari batumberewe barimo ikigo cy’imyitozo cya IS ndetse n’umnuyobozi wo hejuru w’intagondwa muri Tuniziya.

Noureddine Chouchane afitanye isano n’ibitero bibiri byagabwe muri Tuniziya mu mwaka ushize, birimo n’ikishe Abongereza 30.

IS imaze igihe ikorera muri Libiya mu gihe cy’umwaka kandi Amerika igereranya ko ihafite abarwanyi 6.000.

Libiya iracyari mu kaduruvayo nyuma y’imyaka ine uwari perezida Muammar Gaddafi, ahiritswe ku butegetsi, kandi iri kurwanirwa n’imitwe myinshi inyuranye irimo na IS.

Umuyobozi w’umujyi wa Sabratha yavuze ko inyubako yo mu burengerazuba bwa Tripoli yagabweho igitero.

Yavuze ko abapfuye bagera kuri 41 kandi ko benshi muri bo ari abanya Tuniziya.

Mu cyumweru gishize, minisitiri w’ingabo wa Leta Zunze Ubumwe za Amerika, Ash Carter, yavuze ko Amerika izakomeza kwibasira abarwanyi muri Libiya.

Yabwiye BBC ati “Duhora twiteguye gukora ibintu ku buryo bwacu”.