Umunsi wanyuma wo kujuririra amatora muri Uganda

Image caption Abashinzwe ishyaka FDC ntibashoboye kubonana na bwana Besigye ngo ashyire umukono ku kirego

Muri Uganda uno munsi wari uwanyuma wo kugeza ku nkiko ibirego by'abanyepolitike bafite icyo banenga ku buryo amatora yangenze.

Abayobozi bakuru b'ishyaka ritavuga rumwe n'ubutegetsi, FDC, uno musi bangiwe n'igipolisi kujya kubonana n'umukuru wabo Kizza Besigye, wahagarariye iryo shaka mu matora y'umukuru wigihugu aherutse, ariko akaba ahakanya ibyayavuyemo.

Mbere y'ifatwa rya bamwe muri abo bayobozi, bari bamaze kuvugana n'abanyamakuru bavuga ko batari bushobore kugeza ikirego cyabo mu rukiko rw'ikirenga kuko polisi itabemerera kubonana na Kizza Besigye ngo ashyire umukono kuri icyo kirego.

Igipolisi kiracyagose urugo rwa Kizza Besigye hamwe n'ibiro bikuru by'ishaka.

Ibyavuye mu matora ntibyumvikanwaho

Umuvugizi wa Polisi Patrick Onyango yabwiye BBC ko abunganira Besigye mu mategeko bashobora kumusanga iwe agasinya icyo kirego, ngo kubera yuko polisi itaza kumwemerera kuva iwe murugo ngo ajye hanze.

Ngo afite umugambi wo kuyobora imyigaragambyo yo guteza umutekano muke mu mujyi wa Kampala.

Image caption Mu rugo kwa Besigye no ku biro by'ishyaka harinzwe na polisi

Uwundi utavuga rumwe na leta ya Uganda yagombaga kurega mu rukiko, ni Amama Mbabazi, yitoje nk'uwigenga, ariko nawe ntabyo yakoze.

Amatora y'umukuru w'igihugu yo mu cyumweru gishize yatsinzwe na bwana Yoweri Museveni umaze imyaka 30 ku butegetsi akaba yarabonye amajwi 61 kw'ijana, akurikirwa na Kizza Besigye wabonye ayarenga 30%.

Bwana Besigye ariko ntiyemera ibyavuye mu matora, akavuga ko ahubwo ariwe yayatsinze, ubu akaba arinzwe n'igipolisi kimukeka gushaka gutegura imyigaragambyo.