Chicago: Donald Trump yasubitse ibikorwa byo kwiyamamaza

Uwufise ububasha kw’isanamu Getty
Image caption Abigaragambyaga batumye ibikorwa byo kwiyamamaza bisubikwa

Donald Trump yasubitse ibikorwa byo kwiyamamaza i Chicago.

Byabaye nyuma y’uko imyigaragambyo yamagana uyu mukandida wo mu ishyaka ry’Abarepubulikani igaragayemo urugomo

Abigaragambya babarirwa mu majana bateraniye ahaberaga igikorwa cyo kwiyamamaza I Chicago muri Kaminuza ya Illinois mbere y’uko Bwana Trump ahagera.

Uwufise ububasha kw’isanamu Getty
Image caption Abashinzwe umutekano bari benshi

Imbere muri icyo cyuma, havutse imirwano hagati y’abashyigikiye Trump n’abamurwanya bamanikaga amabendera ndetse banaririmba.

Itangazp ryasohowe n’urwego rwamamaza Bwana Trump ryavuze ko uyu mukandida yafashe icyemezo cyo gusubika ibikorwa byo kwiyamamaza nyuma yo guhura na polisi.

Uwufise ububasha kw’isanamu Getty
Image caption Bamwe mu bigaragambya basohowe ku ngufu

Ariko umuvugizi w’igipolisi cya Chicago yavuze ko polisi itigeze igishwa inama muri iki cyemezo.

Ahaberaga imyigaragambyo, haririmbwaga indirimbo zishimagiza Bwana Trump zirirmbwa n’abamushyigikiye ndetse n’izogeza Bernie Sanders wo ku ruhande rw’Abademokarate.

Imirwano yatangiye nyuma y’isaha mbere y’uko igikorwa cyo kwiyamamaza gitangira, ndetse yanakomeje igihe igikorwa cyasubikwaga, iminota micye mbere y’uko Bwana Trump afata ijambo.

Uwufise ububasha kw’isanamu Reuters
Image caption Abigaragambya bahanganye n'abashyigikiye Bwana Trump

Habaye urugomo rukaze rwasembuwe n’abashyigikiye Trump bashakaga kwambura amabendera abigaragambya bamwamagana. Umwe mu bigaragambya yagombye kuvanwa ku ngufu n’ushinzwe umutekano ukorera mu ibanga, yari ari hejuru ahavugirwa amagambo.

Imyivumbagatanyo yaje no gukomeza inyuma y’inyubako birimo n’amashusho ya kajugujugu yerekanaga ibikorwa by’urugomo igihe polisi yageragezaga gukumira ikivunge cy’abantu.

Umwe mu bigaragambya, umunyeshuri Ali Alhechimi yabwiye ikinyamakuru The Chicago Sun Tribune ati: “Iyi ni intsinzi. Iyi ni intsinzi ikaze. Ndashaka gushimira buri wese waje [mu myigaragambyo].

Uwufise ububasha kw’isanamu Reuters
Image caption Abashyigikiye Bwana Trump nabo bari bahari ari benshi

Itangazo ryuzuye rya Bwana Trump riragira riti:

”Bwana Trump amaze kugera i Chicago ndetse amaze guhura n’inzego z’umutekano yafate umwanzuro ko ku bw’ubbwumutekano w’abantu babarirwa mu bihumbi bateraniye imbere no mu nkengero z’inyubako, ibikorwa byo kwiyamamaza by’iri joro, birasubikwa kugeza ku yindi tariki.”

“Murakoze cyane kuba mwaje, nyabuneka nimujyende mu mahoro.”

Uwufise ububasha kw’isanamu AP
Image caption Bwana Trump arahatanira kuba perezida wa Amerika

Igihe yavugiraga kuri televiziyo ya Fox News nyuma y’ibyo bikorwa, bwana Trump yahakanye ko adakoresha imvugo y’urwango cyangwa kugira uruhare urwo ari rwo rwose mu gukongeza amacakubiri.

Uwufise ububasha kw’isanamu Reuters
Image caption Hari abigaragambya babanje gusohorwa mbere y'imirwano

Yagize ati : ”Mpagarariye itsinda ry’abantu benshi bafite uburakari bwinshi,”hari umujinya mwinshi cyane ku mpande zombi.”

Igihe yavugaga ku cyemezo cyo gusbika ibikorwa byo kwiyamamaza yagize ati:

”Ntekereza ko ari ikintu cyiza twakoze, ntekereza ko ari icyemezo kirimo ubuhanga.”

Ibindi kuri iyi nkuru