Urwanda n'Uburundi byatsinzwe mu gikombe cya Afurika cya 2017

Igikombe cya Afurika cy'ibihugu Uwufise ububasha kw’isanamu Getty Images
Image caption Igikombe cya Afurika cy'ibihugu

Mu mupira w'amaguru Mauritius yatsinze Urwanda 1-0 naho Namibia itsinda Uburundi 3-1 mu mikino yo guhatanira itike y'imikino ya nyuma y'igikombe cya Afurika cyo muri 2017.

Igitego kimwe rukumbi mu mukino wahuje Urwanda na Mauritius cyatsinzwe na Francis Rasolofonirina muri sitade ya Anjalay muri Mauritius.

Iyi ni intsinzi ya kabiri ya Mauritius mu itsinda irimo rya H, ikaba rero izamutse ku mwanya wa kabiri.

Naho mu itsinda K, Namibia yatsinze Uburundi 3-1 mu mupira wabereye i Bujumbura.

Ibitego bibiri bya Namibia byatsinzwe mu gice cya kabiri na Benson Shilongo na Peter Shalulile.

Fiston Abdul Razak niwe watsinze igitego cy'Uburundi maze biba 2-1 ariko Namibia yaje gutsinda icya gatatu ku munota wanyuma w'umukino.

Nyuma y'uyu mukino, Namibia ni iya kabiri muri iryo tsinda imbere y'Uburundi.