Sunderland 0- Leicester City 2

Jamie Vardy Uwufise ububasha kw’isanamu Getty Images
Image caption Jamie Vardy yatsinze igitego cye cya 20 na 21 cya shampiyona uyu mwaka

Jamie Vardy yatsinze ibitego bibiri byatumye Leicester yongera amahirwe yo gutwara shampiyona y'Ubwongereza ku nhsuro ya mbere nyuma yo gutsinda Sunderland.

Vardy yatsinze igitego cya mbere yitonze mbere yo kwiruka agasiga ba myugariro ba Sunderland agatsinda icya kabiri.

Amahirwe meza aruta andi ya Sunderland yakiniraga ku kibuga cyayo, yabonetse igihe umukinnyi Jack Rodwell, yari afite uburyo bwiza bwo gutsinda ariko agatera umupira hejuru y'izamu?

Leicester nitsinda imikino itatu muri itanu isigaranye bizatuma itwara igikombe cya shampiyona ku nshuro yayo ya mbere mu mateka, mu gihe Sunderland isigaranye amanota ane mbere yo kujya mu murongo wo kujya mu cyiciro cya kabiri.

Inyuma hakomeye, imbere hatyaye

Umuhate wa Leicester mu guhatanira igikombe cya shampiyona ntuhagarara nyuma yo gutsinda Sunderland ku Cyumweru.

Umunyezamu wa Leicester Kasper Schmeichel yavuze ko "nta gitutu" kiri ku ikipe ye mu guhatanira igikombe kandi ko rwose nta n'ibimenyetso byo kugira igihunga bafite.

Uwufise ububasha kw’isanamu Opta
Image caption Igitego cyoroshye ariko cyatsinzwe neza. Danny Drinkwater (4) yahaye umupira mugenzi we Jamie Vardy (9) ku ishoti ndende yavuyemo igitego cya kabiri

Umukinnyi Danny Deinkwater na Vardy bahanye umupira mbere yo gutsinda igitego cya 20 muri shampiyona y'uyu mwaka, rutahizamu wa mbere wa Leicester utsinze ibitego byinshi muri iki cyiciro kuva rutahizamu Gary Lineker yabikora mu mwaka wa 1984-1985. Igitego cye cya 21 mu minota ya nyuma y'umukino cyari cyiza cyane, yirutse Patrick van Aanholt wagombaga kumuzitira aragwa bituma Vardy acenga umunyezamu Vito Mannone asunikira umupira mu rucundura rwari rufunguye.

Abakinnyi ba Claudio Ranieri ubu bamaze gutsinda imikino itanu batinjizwa igitego, bitumye bagira imikibo 14 badatsindwa igitego na kimwe. Bamaze gutsindwa imikino itatu gusa muri 33 bakinnye kugeza ubu.

Abafana basigaye muri sitade nyuma y'umukino baririmba bati :"tugiye gutwara igikombe" kandi ubu noneho aho ibintu bigeze, birasa n'aho bizasaba ko banyerera bikomeye kugira ngo batakaze amahirwe yo gutwara iki gikombe.

Sunderland ikeneye gutsinda ibitego

Ikipe ya Sunderland itozwa na Sam Allardyce yihagazeho , ariko ibyo ntibihagije muri iki gihe cya shampiyona mu gihe bahangayikishijwe no kuguma mu cyiciro cya mbere.

Bavuye kuri sitade yabo yitiriwe Urumuri " Stadium of Light" batakaje umukino ndetse bajya ku mwanya wa 18 ku rutonde, ariko bafite umukino w'ikirarane bazakina na Norwich, ibarusha amanota ane ikaba ibari hejuru ho umwanya umwe.

Uwufise ububasha kw’isanamu Opta
Image caption Imikinire ya Kaboul mu rubuga rw'inyuma yatumye akuramo imipira 25 (ibumoso) agumana imipira inshuro itandatu (hagati) anatambamira ba rutahizamu bari bahanganye inshuro enye (ku ruhande rw'iburyo).

Umukinnyi wo hagati Younes Kaboul, wagombaga kuba yakoze iyo bwabaga agatambamira umupira watewe n'umutwe mu gice cya mbere, yakuyemo imipira 25 mu mukino wose. Igiteranyo cy'imipira myinshi kurusha undi mukinnyi wese muri iyi shampiyona.

Kandi n'umudage Jan Kirschoff, wagenzuraga neza ikibuga ku ruhade rw'inyuma yatumye Riyad Mahrez wa Leicester atisanzura cyane, yamwambuye imipira inshuro zirindwi anigarurira indi 18.

Cyakora, ibibazo byabo biri mu ruhande rwa ba rutahizamu kubera ko bamaze gutsinda ibitego bine gusa mu mikino itandatu bakinnye.

Umukino ushobora kuba wari kurangira ukundi iyo Rodwell aza gutsinda igitego yahushije, cyangwa se rutahizamu Jermain Defoe, ufite ibitego 12 muri shampiyona aza kwitwara neza birenze.

Umukinnyi mwiza w'umukino - Younes Kaboul

N'ubwo ikipe ye yatsinzwe, Kabul yakinnye neza cyane ku mukino wa Leicester

Uwufise ububasha kw’isanamu Getty Images
Image caption Umukinnyi wa Sunderland (iburyo) yagize amahirwe macye yo gutsindwa na Leicester

Hakurikiyeho iki?

Sunderland izajya gukina na Norwich ku wa Gatandatu w'icyumweru gitaha mu mukino ukomeye uzahuza aya makipe ari mu murongo utukura wo gusubira mu kiciro cya kabiri, mu gihe Leicester izaba ishaka gutera indi ntambwe ijya imbere isingira umusozo wa shampiyona izahura na West Ham ku Cyumweru.

Imibare ukwiye kumenya:

  • Leicester City yabonye amanota 33 muri 2016-aruta ay'indi kipe iyo ari yo yose muri shampiyona y'Ubwongereza
  • Leicester imaze imikino itanu yikurikiranya idatsindwa igitego ku nshuro ya mbere mu mateka yayo.
  • Imipira itanu yose Danny Drinkwater yatanze ikavamo ibitego, yayihaye Jamie Vardy
  • Sunderland yatsinze inshuro imwe gusa mu mikino 11 iheruka gukina (yanganyije itandatu, itsindwa ine)