Wenger avuga ko Arsenal yagowe cyane n'imikino yakiniye iwayo

Abafana ba Arsenal Uwufise ububasha kw’isanamu Reuters
Image caption Ibyapa by'abafana basaba ko Wenger yegura. Hari mu mukino Arsenal yakinnye na West Brom

Umutoza wa Arsenal, Arsene Wenger, avuga ko ikipe ye hari imikino yayigoye cyane ku kibuga cyayo n'amakipe adakomeye bigatuma idatwara shampiyona.

Iyi kipe iri ku mwanya wa kane muri shampiyona imaze gutsinda gusa imikino 6 kuri 16 ishize.

Wenger agira ati: "dukina nk'abashaka gutwara shampiyona iyo twasuye amakipe ariko twakinira iwacu n'amakipe matoya tugatakaza amanota".

Mu mikino iheruka bamwe mu bafana basabye ko umutoza wayo Arsene Wenger yegura.

Byitezwe ko hazaba imyigaragambyo y'abafana mu mukino uzahuza Arsenal na Norwich kuri uyu wa gatandatu tariki ya 30/04/2016.

Wenger, utoza Arsenal guhera muri 1996, avuga ko yumva neza ukutishima kw'abafana ariko akabasaba gutahiriza umugozi umwe bagashyigikira ikipe kuko ngo bitabaye ibyo ikipe ntacyo yageraho.