Man United yumvikanye na Jose Mourinho

Jose Mourinho Uwufise ububasha kw’isanamu Getty Images
Image caption Jose Mourinho yirukanywe muri Chelsea mu mpera z'umwaka ushize

Manchester United na Jose Mourinho bumvikanye ku masezerano yo kuyibera umutoza mushya.

Aya masezerano ntabwo impande zombi zari zayashyiraho umukono, ariko BBC yamenye ko bizakorwa kuwa gatanu.

Mourinho azasimbura umuholandi Louis van Gaal wirukanwe ku wa mbere.

Uyu mugabo w'imyaka 53 ukomoka muri Portugal ngo yaba yaravuganye na Manchester United ku birebana n'amasezerano y'akazi mbere yuko iyi kipe itwara igikombe cya FA kuwa gatandatu.

Kuva aho iyi kipe inaniriwe kubona itike yo kuzakina mu irushanwa ry'igikombe cy'Uburayi mu gihe itozwa na Louis van Gaal, abayobozi bayo bakuru babonye ari ngombwa ko yasimburwa.

Uwufise ububasha kw’isanamu Reuters
Image caption Louis van Gaal ateruye igikombe cya FA nyuma yo gutsinda Crystal Palace 2-1

Kuva yakwirukanwa nk'umutoza wa Chelsea mu kwezi kwa 12 k'umwaka ushize, Mourinho nta kandi kazi yari afite.

Jose Mourinho ni umwe mu batoza bahiriwe cyane muri ako kazi kubera ko yegukanye ibikombe mu makipe atatu atandukanye yo ku mugabane w'Uburayi.