Ingaruka za Brexit ku mupira w'amaguru

Uwufise ububasha kw’isanamu Getty Images
Image caption Paul Pogba ukinira Juventus n'Ubufaransa bivugwa ko ashobora kugurwa na Manchester United

Impuguke mu mupira w'amaguru ziravuga ko amakipe yo mu Bwongereza bishobora kuyagora cyane kugura abakinnyi mu gihe cy'iki nyuma y'icyemezo cy'Ubwongereza cyo kuva mu muryango w'ubumwe bw'Uburayi (Brexit).

Simon Chadwick, umwarimu wa siporo muri kaminuza ya Salford, avuga ko amafaranga agurwa abakinnyi n'imishahara yabo ashobora kwiyongera kubera kugwa kw'agaciro k'ifaranga ry'ipawundi.

Umukuru w'ishyirahamwe ry'umupira w'amaguru mu Bwongereza, Greg Dyke, yavuze ko hashobora gushira imyaka ibiri ingaruka zose icyo cyemezo kizagira ku mupira w'amaguru mu Bwongereza zitaramenyekana.

Gordon Taylor, umuyobozi mukuru w'ishyirahamwe ry'abakinnyi babigize umwuga, yavuze ko ibi bishobora guha amahirwe abakinnyi b'ababongereza bakiri batoya yo kubasha gukina mu makipe akomeye yo mu kiciro cya mbere.