Wales 3-Ububiligi 1

Hal Robson Kanu Uwufise ububasha kw’isanamu EPA
Image caption Hal Robson-Kanu yatsinze igitego cye cya kabiri mu irushanwa rya Euro 2016

Igihugu cya Wales cyakoze amateka mu mupira w'amaguru mu gihugu gitsinda Ububiligi ibitego 3-1 mu marushanwa y'igikombe cy'Uburayi bituma kigera muri 1/2 cy'irushanwa rikomeye bwa mbere mu mateka yacyo.

Radja Nainggolan yatsindiye Ububiligi igitego cya mbere mu mukino wabereye i Lille muzinga w'ishoti rikomeye muri metero 25 ariko kapiteni Ashley Williams yanganyije ku gitego cy'umutwe ku mupira wari uturutse muri koruneri mbere y'uko igice cya mbere kirangira.

Ibyishimo by'abafana ba Wales byabaye byinshi igihe Hal Robson-Kanu, rutahizamu utagira ikipe akinira, amaze gutsinda igitego cya kabiri cyiza cyane.

Nyuma yo guhangara igitutu cy'Ububiligi mu minota ya nyuma y'umukino, Wales yabonye itsinzi idasubirwaho ku gitego cy'umutwe cyatsinzwe na Sam Vokes cyanatumye igera ku mukino wa kimwe cya kabiri aho izahurira na Porutigali.

Ni umukino witezwe na benshi igihe Gareth Bale azaba ahanganye na Christiano Ronaldo bakinana mu ikipe imwe ya Real Madrid.

Umutoza wa Wales Chris Coleman yasobanuye itsinzi nk'igikorwa gikomeye kuva mu mwaka wa 1958, igihe igihugu cyageraga muri kimwe cya kane gitsinzwe na Brazil, yari inshuro ya mbere Wales yitabiriye irushanwa rikomeye ku rwego mpuzamahanga.

Abakinnyi be babanje gutsindwa igitego mu minota ya mbere y'umukino ariko baza kwisubiraho begukana intsinzi izajya mu mateka ya Wales nk'igikorwa gikomeye mu mupira w'amaguru w'icyo gihugu.

Uwufise ububasha kw’isanamu EPA
Image caption Abakinnyi ba Wales bishimira intsinzi imbere y'abafana babo
Uwufise ububasha kw’isanamu AP
Image caption Ashley Williams yishimira igitego cya mbere cyatumye Wales inganya mu gice cya mbere

Ubutaha ni - Bale v Ronaldo

Mbere y'umukino Coleman yatsindagiye ko Wales idashimishwa no kujya muri kimwe cya kane gusa, avuga ko bashaka kugera kure.

Icyifuzo cye yakigezeho, azahura na Porutigali, ikipe itaratsinda umukino mu minota 90 y'umukino mu marushanwa ya Euro 2016.

Umukino wa 1/2 uzahuza Bale na Ronaldo, abakinnyi kizigenza mu ikipe bakinamo bombi ya Real madrid ndetse bakanaba intangarugero mu bihugu byabo. Gusa umubano wabo wakomeje kuzamo agatotsi muri Espanye.

Ariko Wales izakina idafite abakinnyi bayo babiri bakomeye. Aaron Ramsey wa Arsenal na Davis wa Tottenham kubera amakarita y'umuhondo bahawe ku mukino w'Ububiligi.

Umukinnyi w'umukino: Hal Robson-Kanu

Uwufise ububasha kw’isanamu Getty Images
Image caption Hal Robson-Kanu yatsinze igitego cya kabiri cya Wales cyiza cyane nyuma yo gucenga ba myugariro b'Ububiligi.

Imibare ukwiye kumenya

  • Wales ibaye ikipe ya mbere igeze muri 1/2 ku nshuri ya mbere bitabiriye amarushanwa nyuma ya Suwedi yabikoze mu 1992.
  • Abakinnyi ba Wales batsinze ibitego 10 muri Euro 2016, ibi byakozwe rimwe n'ikipe y'ubwongereza mu irushanwa rikomeye (mu gikombe cy'isi 1966 igihe Ubwongereza bwatsindaga ibitego 11).
  • Sam Vokes yatsinze igitego cye cya mbere mu mikino 12 akiniye Wales, kuva yatsinda igitego Iceland mu kwezi kwa Gatatu muri 2014.
  • Eden Hazard na Aaron Ramsey batanze imipira ine yavuyeno ibitego mu irushanwa rya Euro 2016, igikorwa gikomeye gikozwe n'umukinnyi mu irushanwa rikomeye kuva mu mwaka wa 1980.