Medhi Benatia agiye muri Juventus

Medhi Benatia Uwufise ububasha kw’isanamu Getty Images
Image caption Medhi Benatia ari mu bakinnyi b'abanyafurika bahenze cyane igihe yagurwaga na Bayern Munich muri 2014

Umukinnyi w'inyuma wa Maroc, Medhi Benatia, yagiye mu ikipe ya Juventus yo mu Butaliyani yamutijwe mu gihe cy'umwaka n'ikipe ya Bayern Munich yo mu Budage.

Juventus yamutanzeho miliyoni $3.3 kandi yemerewe kuba yamugura n'ibishaka amafaranga angana na miliyoni $18.8 iyi shampiyona igiye gutangira nirangira mu mwaka utaha.

Medhi Benatia w'imyaka 29 yasubiye muri shampiyona yo mu Butaliyani aho yigeze gukina mu makipe ya Udinesse na Roma aho yavuye yerekeza muri Bayern muri 2014.

Yakinnye imikino 23 muri shampiyona yo mu Budage muri shampiyona ishize.

Benatia yavukiye mu Bufaransa ariko yahisemo gukinira Maroc mu marushanwa mpuzamahanga amaze gukinamo imikino 42.