Chelsea yaguze N'Golo Kante wa Leicester

N'Golo Kante Uwufise ububasha kw’isanamu Getty Images
Image caption Muri shampiyona ishize N'Golo Kante (ubururu) yatsindiye Leicester igitego kimwe

Mu mupira w'amaguru, ikipe ya Chelsea yo mu Bwongereza yaguze umukinnyi wo hagati wa Leicester City N'Golo Kante ku masezerano y'imyaka itanu.

Uyu mukinnyi biravugwa ko Chelsea yamutanzeho amafaranga agera kuri miliyoni 30 z'amafaranga akoreshwa mu Bwongereza y'amapawundi.

Kante yaje muri Leicester City avuye mu ikipe ya Caen umwaka ushize aguzwe amafaranga y'amapawundi agera kuri miliyoni 6.

Muri shampiyona ishize yarangiye Leicester itwaye igikombe, uyu mukinnyi yayikiniye imikino 40 yose.

N'Golo Kante - w'imyaka 25 - yari mu ikipe y'Ubufaransa yageze ku mukino wa nyuma mu irushanwa ry'igikombe cy'uburayi 2016.

Abaye umukinnyi wa kabiri Chelsea imaze kugura muri kino ki nyuma ya rutahizamu Michy Batshuayi wo mu Bubirigi wari usanzwe akinira ikipe ya Marseille yo mu Bufaransa.