Fidel Castro yijihije imyaka 90

Fidel Castro Uwufise ububasha kw’isanamu AFP
Image caption Fidel Castro ngo ntiyigeze atekereza ko azageza ku myaka 90

Iyo sabukuru yahuriranye n'iserukiramuco ngarukamwaka ariko muri rusange nta birori bikomeye byabaye byo kuyizihiza.

Saa sita z'ijoro itsinda ry'abaririmbyi bamwifurije isabukuru nziza imbere y'abantu ibihumbi bari mu mihanda iri imbere y'inyanja i Havana.

Abana nabo bamuririmbiye indirimbo hirya no hino mu gihugu.

Uwufise ububasha kw’isanamu Getty Images
Image caption Castro yamaze imyaka irenga 60 ari muri politiki.

Fidel Castro yakoresheje ikinyamakuru mu gushimira abamushyigikiye bamwifurije isabukuru nziza y'imyaka 90 amaze avutse.

Uwufise ububasha kw’isanamu Getty Images
Image caption Aha Castro yari imbere y'inteko rusange ya ONU muri 1979

Mu ibaruwa yanditse mu kinyamakuru cy'ishyaka rya gikomunisiti riri ku butegetsi, yibuka cyane igihe yari muto ariko mu nyuma agashima cyane Ubushinwa n'Uburusiya akananenga Perezida Obama.

Uwufise ububasha kw’isanamu Getty Images
Image caption Hano yari kumwe na Camilo Cienfuegos wari umwe mu nkoramutima ze.

Fidel Castro yategetse Cuba mu gihe kirenga imyaka 50 mbere yo guha ubutegetsi murumuna we Raul woroheje ukuntu leta yacungaga ubukungu kandi anasubizaho umubano ushingiye kuri za ambasade na Leta zunze ubumwe za Amerika.

Uwufise ububasha kw’isanamu AFP/Getty
Image caption Hugo Chavez wategetse Venezuela yari inshuti ikomeye ya Castro

Hashize amezi menshi ataboneka mu ruhame.