Man City yatsinze Man United

Kevin de Bruyne yatsinze igitego cye mbere muri iyi shampiyona Uwufise ububasha kw’isanamu Reuters
Image caption Kevin de Bruyne yatsinze igitego cye mbere muri iyi shampiyona.

Muri shampiyona yo mu Bwongereza, ikipe ya Manchester City yatsinze mukeba wayo Manchester United 2-1.

Uyu mukino wabereye ku kibuga cya Manchester United wari uwambere uhuje umutoza Pep Guardiola wa Manchester City na Jose Mourinho wa Manchester United.

Bombi akaba ari bashya muri aya makipe.

Ni umukino wari utegerejwe cyane kubera ko aba batoza bombi bamaze igihe kirekire ari abakeba mu makipe akomeye.

Uwufise ububasha kw’isanamu Getty Images
Image caption Mourinho na Guardiola (uzamuye akaboko) basanzwe ari abakeba.

Mourinho yigeze gutoza ikipe ya Real Madrid naho Guardiola atoza Barcelona; amakipe akomeye cyane muri Espagne.

Igitego cya Manchester United cyatsinzwe na Ibrahimovic ku munota wa 42 naho ibitego bya Manchester City bitsindwa na De Bruyne ku munota wa 15 na Iheanacho ku munota wa 36.

Ubu Manchester City ni iya mbere ku rutonde n'amanota 12.

Ikurikiwe na Manchester United ifite amanota 9.