Europa League: Man Utd 0-1 Feyenoord

Rubaye urukino rugira gatandatu Feyenoord batsinze bikurikiranya Uwufise ububasha kw’isanamu REUTERS
Image caption Rubaye urukino rugira gatandatu Feyenoord batsinze bikurikiranya

Manchester United berekanye umukino utanejereje mu rukino rwa mbere muri Europa League aho batsinzwe na Feyenoord 1-0.

Jose Mourinho yahinduye abakinyi umunani mubari batsinzwe na Manchester City.

Umupira umwe rukumbi watewe na Anthony Martial hanze y’izamu, ni ko karyo konyene baronse ko gushaka kwinjiza mu gice ca mbere.

Zlatan Ibrahimovic yaragomboye, araronka akanya ko guteza umutwe ariko umupira uca uja hanze.

Uwufise ububasha kw’isanamu Rex FEATURES
Image caption Paul Pogba nta co yashoboye gufasha umugwi wiwe

Igitsindo ca Feyenoord cinjiye ku munota wa 79.

Ibrahimovic habuze gato ngo agombore, ariko uwahoze ari umunyegori wa Liverpool, Brad Jones, ubu asamira Feyenoord, amubera ibamba.

Uku gutsindwa kubaye ukugira kane bikurikiranya uwo mugwi uriko urakinira mu bindi bihugu, ibintu bibaye ubwa mbere mu mateka y’uwo mugwi.

Uwufise ububasha kw’isanamu REX FEATURES
Image caption Mourinho yari yahinduye abakinyi umunani mu baheruka gutsindwa na Man City

Manchester United bakinye babura umukinyi wabo w’imbere, Wayne Ronney.

Manchester United bazosubira gukina ku musi w’Imana mw’ihiganwa ryo mu Bwongereza, aho bazotana mu mitwe na Watfrod.