Liverpool 0-0 Man Utd: Jose Mourinho avuga ko Liverpool 'atari igitangaza ku isi'

Ishoti ya Philippe Coutinho yatereye kure yatumye umunyezamu wa Manchester United David de Gea agaragaza ubuhanga bukomeye mu kikumira kwinjira mu izamu Uwufise ububasha kw’isanamu Reuters
Image caption Ishoti ya Philippe Coutinho yatereye kure yatumye umunyezamu wa Manchester United David de Gea agaragaza ubuhanga bukomeye mu kikumira kwinjira mu izamu

Umutoza wa Manchester United, Jose Mourinho yavuze ko Liverpool "atari igitangaza ku isi nk'uko itangazamakuru rikunda kubivuga" nyuma y'uko ikipe ye inganyije 0-0 na Liverpool itozwa na Jurgen Kloop.

Mu mukino waranzwemo amahirwe y'ibitego macye cyane ku kibuga Anfiled, Liverpool yari yakiriye umukino yagowe cyane no kumenera mu rukuta rw'abakinnyi b'inyuma ba Manchester United.

Mourinho yagize ati:

"Iri ni inota ryatumye batabona atatu".

Klopp ntiyishimiye ikipe ye avuga ati: "Twagerageje kwihuta cyane tunanirwa kwihangana mu guhererekanya umupira."

Uko umupira warangiye byatumye Liverpool iguma ku mwanya wa kane ku utonde rw'agateganyo rwa shampiyona n'amanota 17, United iri ku mwanya wa karindwi n'amanota 14.

Uwufise ububasha kw’isanamu The Times
Image caption Ikinyamakuru The Times yashimagije cyane umunyezamu wa Manchester United, David de Gea, nyuma yo kurokora ikipe ye ku bitego yakuyemo
Uwufise ububasha kw’isanamu Express
Image caption The Daily Express nacyo cyatoranyije De Gea nk'inkingi mwamba y'umukino
Uwufise ububasha kw’isanamu Mail
Image caption Ikinyamakuru The Daily Mail kivuga ko United 'yashyize bus' mu kibuga, Anfield.

Kloop atekereza ko ikipe ye "yatagaguje imbaraga nyinshi" mu gice cya mbere.

Muri uyu mukino, umunyezamu wa Manchester United David De Gea yagaragaje ubuhanga bukomeye bwatumye ikipe ye idatakaza amanota yose. Yakuyemo imipira yari yabazwe ko yashoboraga kuvamo ibitego.