Manchester City 1-1 Southampton

Kelechi Iheanacho Uwufise ububasha kw’isanamu Getty Images
Image caption Kelechi Iheanacho amaze gutsimnda ibitego umunani mu mikino 11 ya shampiyona

Manchester City yagarutse ku mwanya wa mbere w'agateganyo muri shampiyona n'ubwo uyu wari umukino wa gatanu idatsinda, Southampton yatahanye inota yakoreye.

Southampton yari yasuye ku kibuga cya Etihad, yabonye igitego cya mbere ku ikosa ry'uburangare bwa John Stone wahereje umupira umukinnyi utari uwe, Nathan Redmond, bituma atsinda umunyezamu wa Man City, Claudio Bravo.

City yaje kwisubiraho nyuma yo kumwazwa na bamwe mu bafana bayo bwite mu gice cya mbere, yishyura igitego cyatsinzwe na Kelechi Iheanacho ku mupira yari ahawe na Leroy Sane.

Ikipe itozwa na Pep Guardiola yakinnye neza cyane mu gice cya kabiri ishakisha itsinzi ariko umunyezamu wa Sountampton Farser Forster yakuyemo imipira yatewe na Ilkay Gundogan na David Silva.

Kuba City inaniwe gutsinda bisobanuye ko Guardiola, wahoze atoza Bayern Munich na Barcelona, amaze imikino itanu yikurikiranya adatsinda, bibaye ku nshuro ya kabiri mu mateka y'akazi ke k'ubutoza.

Cyakora, inota rimwe ryari rihagije kugira ngo isubire ku isonga ry'urutonde rwa shampiyona, icaho Arsenal ku kinyuranyo cy'ibitego gusa.

Sountampton yagumye ku mwanya wa munani nyuma yo kumara imikino itanu itaratsindwa.

City...yongeye gutsitara

Ugucumbagira kwa City kuratangaje cyane kubera ko yatangiye shampiyona ihagaze neza, nyuma yo gutsinda imikino 10 yose ya shampiyona yabanje.

Guardiola yanagomye kwisobanura ku mikinire ye y'ikipe iheruka gutsindwa na Barcelona mu mikino y'igikombe cy'amakipe yabaye aya mbere iwayo mu Burayi, Champions League, yayitsinze 4-0. Ibi byabaye nyuma y'uko itsindwa na Tottenham ndetse ikanganya na Everton.

Ariko hagaragaye abafana abatishimiye imikinishirize y'ikipe ya Guardiola, bamwe nderse bumvikanye bakomera ikipe yabo igihe Stones yari amaze gukora ikosa ryavuyemo igiteko cya Sounthampton.

City ntiyerekanye ubukana bukomeye mu minota ya mbere 45, byatumye Southampton yari ikomeye neza ku mpande zose ibazibira cyane.

Guardiola yagombaga kugira icyo akora kandi yahise abhindura ibintu mu gice cya mbere.

Kevin de Bruyne yavuyemo asimburwa na rutahizamu Iheanacho.

Ibi byanahise bitanga umusaruro, kubera ko yahise atsinda igitego cyo kwishyura amaze gucika umukinnyi w'inyuma wa Southampton, Virgil van Dijk.