Manchester United 1-1 Arsenal

Olivier Giroud yatsinze igitego Man Utd Uwufise ububasha kw’isanamu Reuters
Image caption Igitego cy'umutwe cya Olivier Giroud ku munota wa 89 kivuze ko Arsenal itaratsindwa na rimwe kuva mu mukino wafunguye shampiyona yatsinzwe na Liverpool.

Igitego cya Olivier Giroud cyo ku munota wa 89 cyatumye Arsenal igabana amanota atatu na Manchester United mu mukino United yari ikwiye gutsinda.

Juan Mata yasaga n'uwarangije guha Manchester United amanota atatu igihe yatsindaga igitego ku munota wa 68 ku mupira mwiza yari ahawe na Ander Herrera.

Arsenal nta mahirwe y'ibitego yagize imbere y'izamu rya United ariko yashoboye gutahana inota rimwe ryanatumye ijya imbere ya mukeba wayo amanota atandatu. Giroud yatsindishije umutwe ku mupira wo mukirere yari ahawe na Alex Oxlade-Chamberlain.

United yari yitwaye neza kurusha Arsenal mu gihe kinini cy'umukino, aho umunyezamu Petr Cech yatabaye Arsenal akuramo imipra y'ibitego byari byabazwe. Umutoza Jose Mourinho yarakajwe n'uko ikipe ye itahawe penaliti mu gice cya mbere igihe Nacho Monreal yagushaga Antonio Valencia.

Uwufise ububasha kw’isanamu PA
Image caption Igitego cya Juan Mata ku munota wa 68 cyari icya gatatu muri shampiyona y'uyu mwaka

Mourinho yagaragaye yazinze umunya igihe ifirimbi ya nyuma yavuzwaga kubera ko ibi bivuze ko nyuma yo guhura na Manchester City, Liverpool, Chelsea na Arsenal nta n'imwe yashoboye gutsinda muri zo.

Ibi bisa na shampiyona ishobora kutanezeza Mourinho ndetse na Manchester United mu gihe bari kunanirwa gukora ibisabwa ngo botse igitutu andi makipe bahanganye muri shampiyona.

Ariko byinshi muri uyu mukino biraza gushimisha Mourinho.

Manchester United yarushije Arsenal ndetse iyizibira amahirwe yose ndetse ituma itera mu izamu rimwe gusa kugeza Giroud ateye mu izamu habura umunota umwe gusa ngo umukino urangire.

Mourinho ntaratsindwa na rimwe mu mikino 12 ya shampiyona ya Premier League ariko kuba yanganyije umukino kandi yagombaga gutsinda, birafatwa nko gutsindwa.

Uwufise ububasha kw’isanamu Getty Images
Image caption Nacho Monreal yasaga n'uwateze Antonio Valencia akoresheje ukuboko kw'iburyo mu rubuga rwa penaliti

Umukinnyi w'umukino: Ander Herrera (Manchester United)

Uwufise ububasha kw’isanamu Getty Images
Image caption Ander Herrera yahaye umupira mwiza Mata watsindiye igitego Manchester United