Chelsea yatsinze Manchester City 3-1

Chelsea na Manchester City Uwufise ububasha kw’isanamu Reuters

Intsinzi ya munani yikuriranya ya Chelsea yatumye iguma ku isonga ry'urutonde rwa shampiyona y'Ubwongereza imaze gutsinda Manchester City ibitego 3-1.

Ni umukino warangiye mu kajagari ku kibuga cya Manchester City igihe Sergio Aguero w'iyi kipe yirukanwaga mu kibuga mu minota ya nyuma y'umukino kubera ikosa yakoreye Luiz.

Muri ako kajagari kandi na Fernandinho wa Man City yirukanywe mu kibuga n'umusifuzi kubera gusunika Fabregas.

Ibitego bya Chelsea byatsinzwe na Diego Costa (ku munota wa 60), Willian (umunota wa 70) na Hazard (ku munota wa 90).

Igitego cya Manchester City cyo cyitsinzwe na Cahill ( ku munota wa 45).

Manchester City kuva iyi shampiyona yatangira yatsindiye rimwe ku kibuga cyayo inyagira Bournemouth 4-0.

Nubwo iyi kipe ikina neza hagati ikanagumana kenshi umupira biragaragara ko ifite ikibazo mu bakinnyi b'inyuma.