Bournemouth yatunguye Liverpool

Bournemouth na Liverpool Uwufise ububasha kw’isanamu Reuters

Muri shampiyona y'Ubwongereza mu mupira w'amaguru ikipe ya Bournemouth yatunguye Liverpool iyitsinda ibitego 4-3.

Sadio Mane niwe watsinze igitego cya mbere cya Liverpool.

Byasaga n'ibigaragara ko Liverpool igenzura umukino igihe Divock Origi yanyuraga kuri Artur Boruc agatsinda igitego cya kabiri cya Liverpool mu mfuruka ntoya cyane.

Bournemouth yahise yinjiza mu kibuga Ryan Fraser ku munota wa 55 maze ibintu bihita bihinduka

Nyuma y'amasegonda make akinjira mu mukino, James Milner yamugushije mu karere k'amahina maze Callum Wilson yinjiza penaliti.

Liverpool yatsinze igitego cya gatatu kivuye kuri Can maze biba 3-1.

Ibindi bitego bya Bournemouth byatsinzwe na Fraser , Steve Cook na Ake gutyo biba 4-3.

Ku rutonde rwa shampiyona Liverpool yagumye ku mwanya wa gatatu n'amanota 30 inyuma ya Arsenal (amanota 31) yagiye ku mwanya wa kabiri ku wa gatandatu imaze kunyagira West Ham 5-1.

Umwanya wa mbere uriho Chelsea ifite amanota 34 nyuma yo gutsinda Manchester City 3-1 kuwa gatandatu.