Gutora umukinnyi mwiza wa Afurika mu mwaka wa 2016 ubu byarahagaze.

Igihembo cya BBC cy'Umukkinyyi wa Afurika muri 2016
Image caption Igihembo cya BBC cy'umukkinyyi wa Afurika muri 2016

Gutora umukinnyi mwiza wa Afurika mu mwaka wa 2016 ubu byarahagaze.

Pierre-Emerick Aubameyang, Andre Ayew, Riyad Mahrez, Sadio Mane cyangwa Yaya Toure, umwe muri bo kuri uyu wa mbere arashyikirizwa igihembo cya BBC cy'uwatsindiye kuba umukinnyi w'umwaka muri Africa mu mupira w'amaguru.

Ku isi hose abafana batoye uwo bashaka ko yegukana igihembo cy'uyu mwaka wa 2016.

Amazina atatu araza gukurwamo mu gihe nyirizina biza kuba biri kuba mu kiganiro Sport Today gica kuri televiyo, kuri radio, no ku rubuga rwa internet rwa BBC, guhera ahagana saa cyenda na 40 ku isaha ngengamasaha ya GMT.

Nyuma, uwatsinze araza gutangarizwa icya rimwe mu kiganiro BBC Focus on Africa gica kuri televiziyo, atangazwe kuri radio ndetse no ku rubuga rwa internet rwa BBC, saa kumi n'imwe n'iminota 45 ku isaha ngengamasaha ya GMT.

Uwufise ububasha kw’isanamu CARMEN JASPERSEN
Image caption Aubameyang ni umwe muri ba rutahizamu bakomeye muri shampiyona y'Ubudage

Aubameyang, umukinnyi rutahizamu w'igihugu cya Gabon akaba anakinira ikipe ya Borussia Dortmund yo mu gihugu cy'Ubudage, mu mwaka wa kane yikurikiranya, ari ku rutonde rwa nyuma rw'abahatanira iki gihembo. Mu gihe Umunyeghana Andre Ayew, umukinnyi wo hagati ukina asatira izamu mu ikipe ya West Ham ya hano mu Bwongereza akanakira ikipe y'igihugu ya Ghana, watsindiye iki gihembo mu mwaka wa 2011, nawe ari kuri uru rutonde rwa nyuma ku nshuro ya kane.

Uwufise ububasha kw’isanamu Michael Regan
Image caption Abafana ba West Ham bizera ko Ayew azabakinira neza cyane

Mahrez, umunya-alijeriya ukina asatira izamu mu ikipe ya Leicester nayo ya hano mu Bwongereza, ni we mukinnyi umwe wenyine utarigeze ahatanira iki gihembo mbere.

Mane, rutahizamu w'ikipe ya Liverpool yo mu Bwongereza akaba n'uw'igihugu cya Senegal, uru rutonde rwa nyuma yarugaragayeho bwa mbere umwaka ushize, mu gihe Yaya Toure, Umunyacoted'ivoire ukina hagati mu ikipe ya Manchester City, yagaraye muri iri rushanwa imyaka umunani zikurikiranya, akaba yaranatsindiye iki gihembo inshuro ebyiri.

Aubameyang w'imyaka makumyabiri n'irindwi y'amavuko, yagize ibihe byiza muri uyu mwaka wa 2016, aho yatsindiye ya Dortmund akinira ibitego 30.

Uwufise ububasha kw’isanamu Getty Images
Image caption Mahrez niwe mukinnyi witwaye neza kurusha abandi mu mwaka w'imikino ushize muri Premier League

Aubameyang ni umwe muri ba rutahizamu bahagaze neza cyane muri shampiyona ya Bundesliga yo mu gihugu cy'Ubudage.

Yabaye umukinnyi wa mbere y'Umunyafurika watowe nk'umukinnyi w'umwaka muri shampiyona ya Bundesliga, aba Umunyegabo wa mbere ubaye umukinnyi w'umwaka w'ishyirahamwe nyafurika ry'umupira w'amaguru, ndetse anatsindira umwanya wo kuba ku rutonde rwa nyuma rw'abahatanira igihembo cy'umukinnyi witwaye neza mu mupira w'amaguru ku isi mu mwaka wa 2016.

Mu kwezi kwa munani uyu mwaka, ikipe ya West Ham yaciye agahigo mu igura ryayo ry'abakinnyi igura umukinnyi Ayew kuri miliyoni 20 n'gice z'amapawundi, imugura n'ikipe ya Swansea, aho yagiriye ibihe byiza mu mwaka wa 2016.

Abafana b'ikipe ya West Ham bafite icyizere ko Ayew ashobora kubera icyitegerezo abandi bakinana mu ikipe.

Uwufise ububasha kw’isanamu PAUL ELLIS
Image caption Mane asobanurwa nk'umukinnyi ugoye gufata mu kibuga

Ukwitwara neza kwa Ayew w'imyaka makumyabiri n'itandatu y'amavuko, n'ibitego cumi na bibiri yatsinze mu mikino mirongo itatu n'itanu, byamuhesheje igihembo cy'umukinnyi mushyashya w'umwaka mu bihembo bitangwa n'ikipe ya Swansea mu kwezi kwa gatanu.

Undi mukinnyi ukina muri shampiyona y'umupira w'amaguru mu Bwongereza , ni Mahrez. Yitwaye neza cyane afasha ikipe ya Leicester, abaraguzumutwe benshi batahaga amahirwe, gutwara bwa mbere igikombe cya shampiyona.

Umwaka ushize w'imikino, Mahrez yabaye umukinnyi witwaye neza kurusha abandi muri shampiyona y'umupira w'amaguru mu gihugu cy'Ubwongereza.

Mahrez ufite imyaka makumyabiri n'itanu y'amavuko, yatsinze ibitego cumi na birindwi muri shampiyona ndetse anatorwa nk'umukinnyi w'umwaka n'ishyirahamwe rw'abakinnyi b'umupira w'amaguru babigize umwuga - aba Umunyafurika wa mbere utsindiye icyo gihembo. Yanagaragaye mu ikipe y'igihugu ya Alijeria batsindira kwitabira imikino ya nyuma y'igikombe cy'Afurika cy'ibihugu cy'umwaka wa 2017.

Mane w'imyaka makumyabiri n'ine y'amavuko, we yakoze amateka aba umukinnyi w'umupira w'amaguru w'Umunyafurika uhenze kurusha abandi igihe yerekezaga mu ikipe ya Liverpool ku mpeshyi, ku giciro cya miliyoni mirongo itatu n'enye z'amapawundi.

Afatwa nk'umukinnyi uhebuje mu kugorana kumufata mu kibuga.

Ku kibugu Anfield cy'ikipe ya Liverpool, yahise yigaragaza, ayitsindira ibitego birindwi mu mikino cumi n'itanu. Mbere yo kwerekeza muri Liverpool, yari yatsindiye ikipe ya Southampton ibitego umunani muri shampiyona uyu mwaka, harimo bitatu yatsinze mu mukino wabahuzaga n'ikipe ya Manchester City yegukanye igikombe cya shampiyona icyo gihe.

Uwufise ububasha kw’isanamu OLI SCARFF
Image caption Toure yagize ibihe bidasanzwe byiza cyane mu myaka 15 amaze atangiye umwuga we.

Toure we yatwaye n'ikindi gihembo muri uyu mwaka wa 2016, cya cumi na karindwi mu gihe cyose amaze akina umupira w'amaguru, igihe we n'ikipe ye ya Manchester City batwaraga igikombe cy'Ubwongereza, atsinda penaliti yabahesheje icyo gikombe batsinda ikipe ya Liverpool mu mukino wa nyuma kuri za penaliti.

Toure yitwaye neza cyane kuva yatangira gukina umupira w'amaguru mu myaka cumi n'itanu ishize.

Uyu ni nawo mwaka iki gihanganjye cy'imyaka mirongo itatu n'itatu y'amavuko yahagaritse gukinira igihugu cye cy'amavuko cya Cote d'Ivoire. Ariko yavuze ko agifite imbaraga zo gukina, ndetse vuba aha yongeye kugaruka mu bihe byiza mu ikipe ya Manchester City.