Bob Bradley: Swansea City yirukanye umutoza wayo

Bob Bradley Uwufise ububasha kw’isanamu Getty Images
Image caption Bob Bradley yatoje igihugu cye cya Leta Zunze Ubumwe za Amerika kigera ku mukino wa nyuma w'amarushanwa ya Confederations Cup muri 2009 muri Afurika y'Epfo

Swansea City yirukanye umutoza wayo Bob Bradley nyuma y'iminsi 85 gusa ayitoza muri shampiyona y'Ubwongereza.

Nyuma yo gutsindwa na West Ham 4-1 iwayo, Swansea irabura amanota ane gusa ngo igwe mu murongo utukura wo kujya mu kiciro cya kabiri.

Nyuma yo gustindwa ku wa Mbere, wari umukino wa karindwi itsinzwe mu mikino 11 itozwa na Bradley.

Bradley ni umutoza wa mbere w'Umunyamerika utoje muri shampiyona y'Ubwongereza nyuma yo gusimbura Francesco Guidolin ku itariki ya 3/12.

Umuyobozi wa Swansea Huw Jenkins yagize ati:

"Twumvise ko twagombaga gukora impinduka mu gice cya shampiyona gisigaye".

Yongeyehgo ati:

"Muri ibi bihe ikipe irimo bikomeye, tugomba kubona ibisubizo no kwivana mu bibazo."

"Ku bwanjye nta kindi mfite uretse gushima Bob. Ni umugabo mwiza; umuntu mwiza witanze ku kazi. Uburyo akora biratangaje kandi tumwifurije amahirwe ejo hazaza."

Bradley yatoje Leta Zunze Ubumwe za Amerika, Misiri na Stabaek muri Norvege ava muri Le Havre mu kwezi kwa Mbere asimbura Guidolin.

Igihe yageraga muri Swansea, ikipe yari iri ku mwamba w'umurongo utukura ariko ku kinyuranyo cy'ibitego gusa.

Abatoza basigaye barimo Alan Curtis na Paul Williams bazasigara bari ku mirimo y'ubutoza by'agateganyo.

Bazatangirana umukino bazakiramo Bournemouth mu mpera z'umwaka.