Chelsea ikomeje kuba ku rutonde

Abakinnyi ba Chelsea Uwufise ububasha kw’isanamu AFP
Image caption Abakinnyi ba Chelsea

Muri shampiyona y'Ubwongereza, Chelsea yagumye isonga ry'urutonde nyuma yo gutsinda Stoke City 4-2.

Uyu ni umukino wa 13 Chelsea itsinze yikurikiranya.

Ni umuhigo inganyije na Arsenal nayo yamaze imikino 13 itsinda muri shampiyona yo muri 2001-2002.

Ibitego bya Chelsea byatsinzwe na Cahill (34'), Willian (57', 65') na Diego Costa (85').

Naho ibitego bya Stoke City byatsinzwe na Martins Indi (46') na Crouch (64').

Igice cya kabiri cyaranzwe n'umukino uryoheye ijisho hakaba hatsinzwemo ibitego bitanu aho Chelsea yari ihanganye n'abakinnyi ba Stoke City bayeretse ko batoroshye.

Chelsea rero igumye ku rutonde rwa shampiyona n'amanota 49.

Ikurikiwe na Liverpool iri ku manota 40 nayo ikaba ikurikiwe Manchester City ifite amanota 39.

Aya makipe yombi nayo arahura kuri uyu wa gatandatu nimugoroba.

Ahandi muri shampiyona y'Ubwongereza Manchester United yatsinze Middlesborough 2-1, West Brom itsinda Southampton 2-1, Bournemouth itsinda Swansea 3-0, Burnley itsinda Sunderland 4-1 naho Leicester ifite igikombe itsinda West Ham 1-0.