Sunderland 2-2 Liverpool

Jermain Defoe Uwufise ububasha kw’isanamu Getty Images
Image caption Jermain Defoe amaze gutsinda ibitego 11 kuri 19 Sunderland imaze gutsinda muri iyi shampiyona.als this season

Penaliti ebyiri za Jermanin Defoe zatumye Sunderland itahana inota nyuma yo kunganya na Liverpool iri ku mwanya wa kabiri.

Liverpool yafunguye amazamu bwa mbere ku gitego cy'umutwe cya Daniel Sturridge nyuma y'uko Dejan Lovren yari ateye ishoti ariko rigatana.

Sunderland yishyuye nyuma y'iminota itandatu Defoe atsinda penaliti ku ikosa rya Ragnar Klavan watsitaye kuri Didier Ndong, ariko Saido Mane yongeye atsindira Liverpool icya kabiri.

Cyakora, Mane yaje gukora umupira n'intoki bituma Sunderland ibona penaliti ya kabiri yongeye kwinjizwa na Defoe biyiha inota rimwe ku buryo butari bwitezwe.

Liverpool yatakaje amahirwe

Kunganya bitumye Liverpool isigara inyuma ya Chelsea iyoboye urutonde n'amanota atanu, kandi izakina umukino wayo na Tottneham ku wa Gatatu.

Ariko umutoza wa Liverpool Jurgen Klopp araza kubona ukunganya uyu mukino nk'amahirwe yatakaje yo gusatira Chelsea kubera ko yabonye uburyo bugera kuri 15 bwo gutsinda, ikagumana umupira ku kigero cya 71% kandi igatsinda inshuro ebyiri igomborwa.

Umunyezamu wa Sunderland, Vito Manone, witwaye neza cyane ni we wazibiye Liverpool kwinjiza ibindi bitego mbere y'uko Mane akinisha intoki kuri bikaviramo ikipe ye ingaruka zikomeye zo gutsindwa penaliti ya kabiri.

Ibintu kandi byahumiye ku mirari ku ruhande rwa Liverpool igihe Sturridge watsinze igitego cye cya kabiri muri shampiyona atangiriye gucumbagira nyuma yo kugonganira ku mupira na Papy Djilobodji wa Sunderland.