Afcon 2017: Cote d'Ivoire- ikipe y'igihugu yatewe inkunga ikomeye

Ikipe ya Cote d'Ivoire ifite igikombe muri 2015 Uwufise ububasha kw’isanamu KHALED DESOUKI
Image caption Ikipe ya Cote d'Ivoire ifite igikombe muri 2015

Mu rwego rwo kwitegura irushanwa ry'igikombe cy'ibihugu by'Afurika cyo mu mwaka wa 2017, leta ya Cote d' Ivoire yateye inkunga y'akayabo k'amafaranga ikipe y'icyo gihugu ifite cyo igikombe kuva mu myaka 2 ishize.

Leta ya Cote d'Ivoire yemeje ingengo y'amafaranga agera kuri Euro miliyoni 6 yo gufasha iyo kipe mu marushanwa azabera mu gihugu cya Gabon.

Cote d'Ivoire izafungura iryo rushanwa ikina na Togo ku itariki ya 16 z'uku kwezi, nyuma izakina na Republika Iharanira Demokarasi ya Congo na Marroc.

Iyo kipe imaze gutsinda iryo rushanwa inshuro 2, yatangiye kwitoreza mu bihugu bya Abu Dhabi na United Arab Emirates.

Ku wambere tariki 8, izakina umukino wa gicuti na Sweden, maze ikine umukino wa nyuma wo kwishyushya na Uganda.

Ishyirahamwe ry'umupira w'amaguru muri Afurika riravuga ko ikipe izatsinda irushanwa ryo muri uyu mwaka izahembwa amadolari miliyoni 4.

Iryo rushanwa rizatangira ku itariki 14 z'uku kwezi rirangire ku itariki 5 z'ukwezi kwa 2.