Usain Bolt yatakaje umudari wa zahabu

Usain Bolt (muremure uri hagati) Uwufise ububasha kw’isanamu Getty Images

Usain Bolt yatakaje umudari umwe wa zahabu nyuma yaho bigaragaye ko Nesta Carter bakinanaga yakoresheje imiti itemewe.

Usain Bolt, umuntu wenyine usiganwa mu kwiruka ku maguru wabashije gutsindira imidari itatu ya zahabu mu mikino ya Olympike, yatakaje umwe muri iyo midari kubera ko umwe mu bo bakinanaga yahamwe no gukoresha imiti itemewe imwongerera ingufu.

Umuryango mpuzamahanga w'imikino ya Olympike watse igihugu cya Jamaica umudari wa zahabu yari yabonye mu kwiruka metero ijana mu itsinda ry'abantu bane mu mikino ya Olympike yabereye i Beijing mu mwaka wa 2008.

Nesta Carter, umwe mu bari bagize ikipe ya bane, byagaragaye ko yakoresheje imiti itera ingufu yo mu bwoko bwa Methylhexaneamine, ibi bikaba byagaragaye mu kongera gusuzuma bimwe mu bipimo byafashwe muri iyo mikino.

Rero igihugu cy'ibirwa bya Trinidad na Tobago nicyo kigiye guhabwa umudari wa zahabu hanyuma Ubuyapani bubone umudari w'umuringa.