Chelsea ikomeje kwanikira andi makipe

Chelsea v Swansea Uwufise ububasha kw’isanamu Reuters

Mu mupira w'amaguru, Chelsea ikomeje kwanikira andi makipe ku isonga ry'urutonde rwa shampiyona y'Ubwongereza.

Kuri wa gatandatu, Chelsea yatsindiye ku kibuga cyayo ikipe ya Swansea City 3-1, bityo bituma hagati yayo n'ikipe iyikurikira habamo ikinyuranyo cy'amanota 11.

Ibitego bya Chelsea byatsinzwe na Fàbregas (ku munota wa 19), Pedro (ku munota wa 72 na Diego Costa (ku munota wa 84).

Igitego cya Swansea City cyo cyatsinzwe na Llorente (ku munota 45'+2).

Chelsea ntabwo yari yiteze gutsinda Swansea mu buryo buyoroheye.

Iyo umusifuzi Neil Swarbrick aba yarahaye Swansea penaliti mbere yuko Chelsea itsinda 2-1, Swansea yashoboraga kugira amahirwe menshi yo gutsinda uwo mukino.

Ariko rero mu nyuma Chelsea akoze uko ishoboye kose kugirango ibone amanota atatu iyambuye ikipe ya Swansea yari ihagaze neza mu kibuga kuri uwo munsi.