Middlesbrough 0-2 Manchester City

David Silva Uwufise ububasha kw’isanamu Getty Images

Ibitego byatsinzwe na David Silva na Sergio Aguero byatumye Manchester City ibona itike yo kujya muri kimwe cya kabiri cya FA Cup nyuma yo gutsinda Middlesbrough.

Silva yatsinze hashize iminota itatu y'umukino muri metero esheshatu nyuma y'uko Pablo Zabaleta yabonye uburyo bwo gucunga no gutanga umupira.

Umunyezamu wa Middlesbrough, Brad Guzan yakuyemo imipira y'ingenzi yatumye azibira abakinnyi nka Silva, Leroy na Aguero gutsinda ibindi bitego byari byabazwe.

Ariko Aguero kera kabaye yaje gutsinda igitego cyatumye Man City ibona intsinzi ya 2-0 ku mupira yari ahawe na Sane.

City igeze ku mukino wa FA wa kimwe cya kabiri bwa mbere mu myaka ine mu gihe Guardiola ari gushaka kureba ko yabona indi tike ya kimwe cya kane cya Champions League aho Man City izahura na Monaco ku wa Gatatu. City ifite umwitangirizwa wa 5-3 mu mukino wa mbere.

Uwufise ububasha kw’isanamu Opta
Image caption Ishusho yerekana uko umupira wahererekanyijwe n'abakinnyi ba City mbere y'igitego cya David Silva. Abakinnyi icyenda bose bagize uruhare muri iki gitego.

Imvune zibasiye Middlesbrough

Kuri Middlesbrough, iri ku mwanya wa 18 muri shampiyona y'Ubwongereza, uyu wari umunsi wo kwibagirwa. Ntibatsinzwe gusa, ahubwo banatahanye imvune ebyiri z'abakinnyi bakomeye Rudy Gestede na myugariro Bernardo wavuye mu kibuga acumbagira.

Uwufise ububasha kw’isanamu Getty Images
Image caption Manchester City ni ikipe ifite ibitego byinshi isigaye mu irushanwa rya FA Cup. yatsinze ibitego 15 mu mikino itanu.

Umukinnyi mwiza w'umukino: Brad Guzan (Middlesbrough)

Uwufise ububasha kw’isanamu Getty Images
Image caption Brad Guzan yakuyemo imipira umunani ikomeye irimo n'uyu wa Sergio Aguero