Manchester City yahanwe na UEFA

Manchester City ihura na Monaco Uwufise ububasha kw’isanamu PA

Ishyirahamwe ry'umupira w'amaguru mu Burayi, UEFA, ryahanishije ikipe ya Manchester City igihano cy'ihazabu ingana n'amafaranga y'abongereza £15573.

Ngo ni ukubera myitarire mibi mu irushanwa ry'igikombe cy'Uburayi, Champions League.

Hari mu mukino wahuje iyi kipe na Monaco yo mu Bufaransa ku itariki ya 21 z'ukwezi kwa kabiri.

UEFA ivuga ko iki gihano kijyane n'igikorwa cy'abafana ba Manchester City cyo kwinjira mu kibuga, gutera ibintu mu kibuga no gutinda gutangira umukino.

City yari yatsinze Monaco 5-3 kuri sitade ya Etihd ariko ku mukino wo kwishyura itsindwa 3-1 bityo isezerarwa hakurikijwe iyatsinze ibitego byinshi ku kibuga kitari icyayo.

Hagati aho, City yemeye icyaha iregwa n'ishyirahamwe ry'umupira w'amaguru mu Bwongereza ku birebana n'umukino wabaye ku cyumweru gishize wayihuje na Liverpool.

Irashinjwa kuba abakinnyi bayo bataritwaye neza.

Hari inyuma yuko umusifuzi Michael Oliver ahaye Liverpool penaliti ku munota hafi wa 50.