Wenger ngo yizeye ko Sanchez na Ozil ntaho bazajya

Mesut Ozil na Alexis Sanchez Uwufise ububasha kw’isanamu Getty Images
Image caption Amasezerano y'akazi Ozil na Sanchez bafitanye na Arsenal azarangira muri 2018

Umutoza w'ikipe ya Arsenal Arsene Wenger aravuga ko afite ikizere ko Alexis Sanchez na Mesut Ozil bashaka kuguma mu ikipe ye.

Yongeyeho ariko ko akazaza ke nk'umutoza wa Arsenal katari kafutuka neza.

Ibiganiro ku masezerano y'akazi hagati y'ikipe ya Arsenal na Ozil, w'imyaka 28, na Sanchez byabaye bihagaritswe kugeza mu mpera za shampiyona.

Sanchez bivugwa ko ngo yaba ashaka kuguma i Londres mu ikipe ishaka gutsindira ibikombe.

Ibyo rero byatumye abantu bakeka ko ashaka kwerekeza muri Chelsea.

Aba bakinnyi bombi amasezerano yabo azarangira muri 2018 ariko rero hakomeje kuvugwa byinshi ku kazaza kabo muri Arsenal.

Arsene Wenger, w'imyaka 67, yashimangiye ko ikibazo cy'abo bakinnyi bombi kitihutirwa kuri ubu.

Yongeyeho kandi ko atakeneye kugurisha abakinnyi be b'ingenzi, bitandukanye no mu gihe cyashize aho iyi kipe yabikoraga bitewe nuko yabaga ihagaze mu rwego rw'imali.