Chelsea mu mukino wa nyuma wa FA

Chelsea na Tottenham Uwufise ububasha kw’isanamu Getty Images

Chelsea yatsinze Tottenham ibitego 4-2 mu mukino wa kimwe cya kabiri cy'igikombe cya FA mu Bwongereza.

Bityo rero Chelsea izakina umukino wa nyuma ihura n'ikipe iri butsinde mu wundi mukino wa kimwe cya kabiri uhuza kuri iki cyumweru amakipe ya Arsenal na Manchester City.

Ibitego bya Chelsea byatsinzwe na Willian ku munota wa 5 na 43, Hazard ku munota wa 75 na Matic ku munota wa 80.

Naho ibitego bya Tottenham byatsinzwe na Kane ku munota wa 18 na Alli ku munota wa 52.

Umukinnyi Eden Hazard wa Chelsea yinjiye mu kibuga asimbura maze yorohereza Chelsea gutsinda uwo mukino utari woroshye.

Amakipe ya Chelsea na Tottenham kandi arahatanira cyane igikombe cya shampiyona y'Ubwongereza.

Chelsea niyo iri ku mwanya wa mbere ku rutonde rwa shampiyona, ikaba irusha Tottenham iri ku mwanya wa kabiri amanota ane gusa.