Yaya Toure aranenga abasifuzi

Abakinnyi ba Manchester City Uwufise ububasha kw’isanamu Rex Features

Umukinnyi wo hagati wa Manchester City - Yaya Toure - aravuga ko yahitamo gukina nta musifuzi mu kibuga mu mukino uzahuza ikipe ye na Manchester United kuwa kane.

Arabivuga kubera kunenga imisifurire y'umukino Manchester City yatsinzwemo na Arsenal muri kimwe cya kabiri cy'igikombe cya FA.

Umusifuzi Craig Pawson yanze igitego cya Sergio Aguero avuga ko umupira warenze umurongo.

Ariko mu nyuma amashusho ya video yerekanye ko umupira wari ukiri mu kibuga.

Toure yagize ati: "Ntekereza ko abasifuzi bagombye guhagarika ibi bintu".

"Birambabaje cyane. Si ubwa mbere, byaranabaye mbere".

"Wenda kuwa kane bazaduha umusifuzi mwiza cyangwa dukine nta musifuzi - Nibyo nahitamo".

Ugutsindwa kwa Manchester City muri kimwe cya kabiri cy'irushanwa rya FA bisobanuye ko iyi kipe nta yandi mahirwe isigaranye yo kubona igikombe muri uyu mwaka usibye guhatanira icya shampiyona.

Aho naho ariko ntibyoroshye kubera ko City iri ku mwanya wa kane kandi Manchester United ishobora kuyicaho niramuka itsinze kuwa kane.