Mauricio Pochettino avuga ko intsinzi kuri Arsenal yotsa igitutu Chelsea

Dele Alli and Son celebrate Uwufise ububasha kw’isanamu AFP

Umutoza wa Tottenham, Mauricio Pochettino avuga ko intsinzi ya Tottenham y'ibitego 2-0 bwa Arsenal ishobora kotsa "igitutu Chelsea mu mutwe".

Uyu mutoza w'umunya Argentine yavuze ko gutsinda Arsenal ku Cyumweru byashimishije abafana cyane kubera ko byanahamije ku buryo budakuka ko Tottenham izarangiza shampiyona iri imbere ya Arsenal ku nshuro ya mbere mu myaka 22.

Ariko yongeyeho ko ikibashishikaje cyane ari ukotsa igitutu Chelsea iyoboye urutonde rw'agateganyo.

Chelsea yatsinze Everton ibitego 3-0.

Pochettino yagize ati:

"Turi mu isiganwa ry'igikombe kandi ikinyuranyo cy'amanota cyagarutse kuri ane."

"Tugomba kutarangara. Dufite undi mukino ukomeye na West Ham ku wa Gatanu."

"Ibi bishobora kuba amahirwe yo gushyira igitutu kuri Chelsea. Tuzakina mbere yabo kandi nidutsinda uko bizagenda hagati ya Chelsea na Middlesbrough kuri sitade ya Stamford Bridge ku wa Mbere."

Intsinzi ya Chelsea y'ibitego 3-0 yari yatsinze Everton yari yatumye isiga Tottenham amanota arindwi.

Ariko igitego cya Dele Alli cya 21 muri shampiyona na penaliti yatewe na Harry Kane byatumye Spurs ibona intsinzi ya cyenda yikurikiranyije.

Iyi ni yo shampiyona nziza iyi kipe igize kuva mu kweze kwa Cumi 1960, igihe yatsindaga imikino 13 yikurikiranyije.

Uwufise ububasha kw’isanamu Getty Images
Image caption N'ubwo Tottenham yateye imbere mu mikinire ariki igikombe iheruka ni icaya Carling Cup muri 2008.

Chelsea iyoboye urutonde rwa shampiyona kuva ku itariki ya 5/11/2016 kandi mu kwezi kwa Gatatu ku itariki ya 19 yari ifite umwitangirizwa w'amanota 10.

Kuva icyo gihe yatsinzwe inshuro ebyiri gusa na Crystal Palace ndetse na Manchester United.

Umukino wabaye ku Cyumweru ni wo wa nyuma wahuje Tottenham na Arsenal kuri sitade ya White Hart Lane.

Tottenham izakina imikino yayo ya shampiyona yo muri 2017-2018 kuri sitade ya Wembley mu gihe sitade yayo nshya iri kubakwa.

Sitade nshya ya Spurs ifite ubushobozi bwo kwakira abantu 61.000 iri kubakwa hafi ya White Hart Lane.