Igitego cya Can wa Liverpool cyaba ari cyo cyiza muri shampiyona?

Iyi shoti ya Emre Can yaba ari cyo gitego cyiza muri shampiyona? Uwufise ububasha kw’isanamu Getty Images
Image caption Iyi shoti ya Emre Can yaba ari cyo gitego cyiza muri shampiyona?

Cyari igitego cye cya karindwi atsinze muri shampiyona kuva yava mu Budage mu myaka itatu ishize, ariko ishoti ritangaje rya Emre Can ryahaye intsinzi ikomeye Liverpool yatsinze Watford ku wa Mbere.

Uyu mukinnyi wo mu bo hagati yatsinze igitego cyiza cyane ku mupira yari ahawe na Lucas arikaraga mu kirere umupira uruhukira mu izamu.

Kuba ikipe itozwa na Jurgen Klopp iri ku mwanya wa gatatu, iki gitego gishobora kuba ingoboka ikomeye mu isiganwa ryo kurwanira umwanya wa Champions League. Ariko se cyari igitego cyiza kurusha ibindi muri shampiyona yose?

Umutoza Klopp yagize ati:

"Twatsinze igitego cyiza cyane"

"Ahubwo ndifuza kongera kukireba, buri wese ari kukivugaho"

"Nakibonye rimwe ariko cyari cyiza cyane. Nahindukiye gato sinakibona neza kinjira mu rushundura."

Klopp yongeyegho ati:

"Ni umuhungu mwiza, umukinnyi mwiza kandi yari agikwiye."

Uwufise ububasha kw’isanamu Getty Images
Image caption Umunyezamu wa Chelsea Thibaut Courtois nta cyo yshoboye gukora ku ishoti ikomeye ya Jordan Henderson muri metero 25 mu kwezi kwa Cyenda.

Liverpool yatsinze ibitego bitangaje muri iyi shampiyona, birimo n'iby'abandi bakinnyi nka Jordan henderson, Sadio Mane na Georginio Wijnaldum byose byabaye ibitego byiza by'ukwezi mu kiganiro cy'imikino cya Match Of the Day kuri BBC.

Can ufite ibitego 11 mu mikino 100, si umukinnyi utsinda cyane.

Ndetse na we ubwe yiyemereye ko iki gitego ari cyo cyiza cyane kurusha ibindi yatsinze kugeza ubu.

Uwufise ububasha kw’isanamu Getty Images
Image caption Paul Pogba ukinira Manchester United yatsinze Swansea igitego cyabaye cyiza kurusha ibindi mu kwezi kwa 11

Can yagize ati:

"Sigeze ntsinda igitego nk'iki mbere. Wenda igihe nari muto. Kiriya ni cyo gitego cyiza ntsinze."

"Nari mfite umwanya ndahindukira, nabanje gushaka guteresha umutwe ariko sinabitekerejeho cyane."

Uwufise ububasha kw’isanamu Getty Images
Image caption Igitego cya Henrikh Mkhitaryan wa Manchester United yatsinze Sunderland cyasobanuwe na Jose Mourinho nk'igitego gitangaje, cyabaye icya mbere mu kwezi kwa 12.

Mugezi we bakinana Adam Lallana, wari wagarutse mu mukino nyuma y'imvune yavuze ko abandi bakinnyi ba Liverpool bagiye kujya bemerera Can akagerageza amashoti nk'ariya mu gihe cy'imyitozo.

Uwufise ububasha kw’isanamu Getty Images
Image caption Olivier Giroud wa Arsenal yatangiye umwaka wa 2017 ku gitego cy'agatangaza yatsinze Crystal Palace

Igitego cyiza cy'umwaka kizatoranywa mu mpera za shampiyona.

Uwufise ububasha kw’isanamu Getty Images
Image caption Icya Andy Carroll wa West Ham yatsinze Crystal Palacenacyo cyatangaje benshi

Umukinnyi wa Tottenham Dele Alli yahawe igihembo cy'igitego cyiza kurusha ibindi mu mwaka ushize yari yatsinze Crystal Palace.

Umukinnyi wa Liverpool uheruka gutsindira iki gihembo ni Steven Gerrard muri 2006 mu mukino w'igikombe cya FA.

Uwufise ububasha kw’isanamu Getty Images
Image caption Eden Hazard yandagaje abakinnyi b'inyuma ba Arsenal muri 3-1 Chelsea yatsinze Arsenal mu kwa kabiri.