Arsenal v Manchester United: ni nde ukina?

Uwufise ububasha kw’isanamu Getty Images
Image caption Alexis Sanchez yatsinze ibitego 2 mu mukino Arsenal yatsinze Manchester 3-0 mu mwaka ushize.

Amakuru y'amakipe

Umukino uhuza ikipe ya Arsenal na Manchester United muri shampiyona y'Ubwongereza, Premier League, utegererezanyijwe amatsiko menshi kuri iki Cyumweru.

Umutoza wa Arsenal, Arsene Wenger, avuga ko Granit Xhaka yakomeretse ku mfundiko mu mpera z'icyumweru gishize, bityo ko afite amahirwe macye yo gukina.

Shkodran Mustafi na David Ospina bagarutse mu myitozo nyuma y'imvune.

Manchester United ifite imvune ya Ashley Young wakomerekeye mu mukino na Celta Vigo.

Marouane Fellaini ari mu gihano cyo guhagarikwa kubera ikarita itukura yahawe, Luke Shaw, Timothy Fosu-Mensah, Marcos Rojo na Zlatan Ibrahimovic bafite imvune.

United ishobora kuruhutsa bamwe mu bakinnyi bayo bakomeye nka Marcus Rashford watangiye mu mukino wahuje ikipe ye na Celta Vigo ku wa Kane n'ubwo yagaragaye nk'unaniwe kandi akanava mu kibuga acumbagira.

Umukino uratangira i saa kumi ku isaha yo mu Bwongereza (17h00) ku isaha yo mu Rwanda no mu Burundi.