Arsenal 2- Manchester United 0

Danny Welbeck yatsinze ikipe yahoze akinira ku gitego cy'umutwe cya kabiri cya Arsenal Uwufise ububasha kw’isanamu Getty Images
Image caption Danny Welbeck yatsinze ikipe yahoze akinira ku gitego cy'umutwe cya kabiri cya Arsenal

Arsenal yarangije imikino 25 Manchester United imaze idatsindwa muri shampiyona, inazura icyizere cyo kurangiza mu makipe ane ya mbere.

Nyuma y'igice cya mbere kitari kiganjemo byinshi mu mahirwe y'ibitego, Granit Xhaka yafunguye amazamu mu gice cya kabiri ku ishoti iremereye yatereye kure, yanyuze ku mugongo wa Ander Herrera ica ku munyezamu David de Gea.

Arseanl yatsinze icya kabiri nyuma y'iminota itatu igihe Danny Welbeck yateye ishoti y'umutwe ku mupira yari aherejwe na Oxlade-Chamberlain.

Jose Mourinho yinjije Marcus Rashford na Jesse Lingard agira ngo bashobore kugombora ariko ntibyabakundiye.

Kapiteni Wayne Rooney watangiye imbere mu bataha izamu yabonye amahirwe agra kuri abiri ariko ntiyayabyaza umusaruro w'igitego.

Iyi ntsinzi ivuze ko Arsenal igumye ku mwanya wa gatandatu ariko irarushwa amanota abiri gusa na Manchester United iri ku mwanya wa gatanu naho Manchester City iri ku mwanya wa kane irayirusha atandatu kandi ifite umukino w'ikirarane irusha izindi ebyiri.