Umunyaghana yatorewe kuyobora akanama k'imyitwarire ka FIFA

Abanyafurika benshi baratowe mu tunama dutandukanye twa FIFA mu nama rusange wa 67 muri Bahrain Uwufise ububasha kw’isanamu Getty Images
Image caption Abanyafurika benshi baratowe mu tunama dutandukanye twa FIFA mu nama rusange wa 67 muri Bahrain

Anin Yeboah, usanzwe ari umucamanza mu rukiko rw'ikirenga rwa Ghana, yatorewe kuyobora akanama k'imyitwarire mu ishyirahamwe ry'umupira w'amaguru ku isi, FIFA.

Ku wa kane nibwo yatorewe manda y'imyaka ine mu nama rusange ya FIFA mu gihugu cya Bahrain.

Bwana Yeboah yari umwe mu bagize akanama k'imyitwarire ka FIFA umwaka ushize.

Ni umwe mu Banyafurika benshi batowe mu tunama dutandukanye tugize FIFA, barimo n'Umunyarwanda Martin Ngoga, watorewe kuba umuyobozi wungirije w'ishami rishinzwe iperereza mu kanama k'imyitwarire ka FIFA.

Abanyafurika batowe mu tunama twa FIFA muri iyi nama rusange ya 67, ni aba bakurikira:

Mu kanama k'imyitwarire:

Umuyobozi: Justice Anin Yeboah (wo muri Ghana)

Abagize akanama: Maclean Letshwiti (wo muri Botswana), Guy Akpovi (wo muri Togo), Mahmoud Hammami (wo muri Tunisia)

Akanama k'ubujurire

Abakagize: Jean-Louis Atangana Amougou (wo muri Cameroon), Alberto Simango (wo muri Mozambique)

Akanama k'imyitwarire - ishami rishinzwe iperereza

Umuyobozi wungirije: Martin Ngoga (wo mu Rwanda), wahoze ari umushinjacyaha mukuru

Abagize akanama: Janet Katisya (wo muri Kenya)

Akanama k'imyitwarire - ishami nkemurampaka

Abakagize: Justice Ayotunde Phillips (wo muri Nigeria)

Akanama k'ubugenzuzi bw'imari no gukurikiza amategeko

Abakagize: Andrew Kamanga (wo muri Zambia)