Man City, Liverpool na Arsenal birahatanira itike y'igikombe cy'Uburayi

Amakipe ya Manchester City, Liverpool na Arsenal ashobora gukina undi mukino shampiyona irangiye Uwufise ububasha kw’isanamu Getty Images
Image caption Amakipe ya Manchester City, Liverpool na Arsenal ashobora gukina undi mukino shampiyona irangiye

Manchester City, Liverpool na Arsenal birashoboka ko aya makipe ashobora kongera guhura niba umukino wa nyuma ashigaje uterakanye neza amakipe azakina mu irushanwa ry'igikombe cy'Uburayi.

Aya makipe uko ari atatu, ari ku myanya ya gatatu, uwa kane n'uwa gatanu muri shampiyona y'umupira w'amaguru mu Bwongereza.

Atandukanijwe gusa n'amanota atatu mbere y'umukino wa nyuma wa shampiyona uteganijwe ku cyumweru.

Ariko ikinyuranyo kiri hagati y'ibitego yatsinze n'ibitego yatsinzwe kijya kungana ku buryo bishoboka rwose ko amakipe abiri ashobora kurangiza shampiyona ari ku mwanya wa gatatu cyangwa se uwa kane nta kintu na kimwe kiyatandukanya.

Bityo rero byaba ngombwa ko haba umukino uyahuza kugirango hamenyekane uko azakina mu marushanwa y'ibikombe by'Uburayi.

Amakipe atatu ya mbere muri shampiyona y'Ubwongereza ahita abona itike yo guhita akina imikino yo mu matsinda mu gikombe cy'Uburayi (Champions' league) naho ikipe iri ku mwanya wa kane ikagomba gukina imikino ituma ikomereza irushanwa mu matsinda.

Ikipe ya gatanu yo ikina mu irushanwa rya Europa League.