Dominic Thiem yatsinze Rafael Nadal

Dominic Thiem yakosoye ibyatumye atsindwa mu cyumweru gishize ku mukino wa nyuma w'irushanwa rya Madrid Open, atsinda Rafael Nadal muri Italian Open Uwufise ububasha kw’isanamu AFP
Image caption Dominic Thiem yakosoye ibyatumye atsindwa mu cyumweru gishize ku mukino wa nyuma w'irushanwa rya Madrid Open, atsinda Rafael Nadal muri Italian Open

Rafael Nadal, watwaye iri rushanwa inshuro zirindwi, yasezerewe na Dominic Thiem mu mukino wa kimwe cya kane mu irushanwa riri kubera mu mujyi wa Roma mu Butaliyani.

Nadal, Umunyespanye w'imyaka 30 y'amavuko, yarataratsindwa uyu mwaka ku kibuga cyo kumusenyi, akaba yaratsinze imikino 17 yikurikiranya.

Intsinzi ze zirimo n'aho yatsinze uyu Munya-autriche Thiem w'imyaka 23 y'amavuko, mu mikino ya nyuma ya Barcelona Open na Madrid Open.

Ariko Thiem yarushije cyane Nadal mu mukino w'uyu munsi.

Mu mikino ya kimwe cya kabiri, Thiem ashobora guhura na Novak Djokovic uri ku mwanya wa kabiri ku isi cyangwa Juan Martin del Potro.