Wenger ntazi niba FA ari amaherezo ye muri Arsenal

Wenger yatsindiye igikombe cya FA inshuro esheshatu kuva yagera muri Arsenal mu mwaka wa 1996 Uwufise ububasha kw’isanamu Getty Images
Image caption Wenger yatsindiye igikombe cya FA inshuro esheshatu kuva yagera muri Arsenal mu mwaka wa 1996

Umutoza Arsène Wenger "ntazi" niba umukino wo ku wa gatandatu w'igikombe cya FA uzaba ari nawo mukino we wa nyuma nk'umutoza wa Arsenal.

Ahazaza mu ikipe ya Arsenal h'uyu Mufaransa w'imyaka 67 y'amavuko, hazafatwaho umwanzuro mu nama nyobozi y'ikipe izaba nyuma y'umukino wo ku wa gatandatu. Yatangiye gutoza Arsenal kuva mu mwaka wa 1996.

Kontaro ye irarangira muri iri ki.

Ku cyumweru yavuze ko urujijo kuri ejo hazaza he muri Arsenal rwagize ingaruka ku ikipe muri uyu mwaka w'imikino. Ariko nanone yanze kugira icyo avuga kirenzeho mbere y'umukino na Chelsea.

Yagize ati: "Ndashaka gutwara igikombe mu ikipe yanjye kandi icyo ni cyo kinshishikaje".

Bwana Wenger amaze imyaka 20 atoza Arsenal. Muri icyo gihe yatwaye ibikombe bitatu bya shampiyona y'umupira w'amaguru mu Bwongereza izwi nka Premier League. Yanatwaye ibikombe bitandatu bya FA.

Ariko muri uyu mwaka w'imikino, abafana ba Arsenal baramwamaganye cyane, bamusaba ko yakwegura ku gutoza Arsenal.

Kuva Arsenal yarangiza ku mwanya wa gatanu muri shampiyona y'uyu mwaka, yahise inanirwa kuzakina imikino ya Champions League - ibintu bibaye ubwa mbere mu myaka 20 ishize.