Juventus v Real Madrid

Bale na Isco batera urwenya mu myitozo Uwufise ububasha kw’isanamu Getty Images
Image caption Bale na Isco batera urwenya mu myitozo

Umutoza wa Real Madrid, Zinedine Zidane, agomba guhitamo hagati ya Gareth Bale na Isco mu gisa n'ihurizo ryo guhitamo ikipe akinisha mu mukino wa nyuma wa Champions League kuri uyu wa Gatandatu.

Bale ntiyigeze akina kuva ku itariki ya 23/04 ariko ubu ameze neza. Naho Isco yatsinze ibitego bitanu mu mikino umunani aherutse gukina.

Zidane yagize ati:

"Bombi ni abakinnyi b'ingenzi kanid buri wese ashobora gutanga ibitekerezo bye [kuri bo] ariko ntbizagira icyo bimpinduraho"

Umutoza wa Juventus Max Allegri nawe afite ikipe ikomeye y'abakinnyi ari buhitemo.

Gianluigi Buffon, Giorgio Chiellini, Alex Sandro, Mario Mandzukic and Leonardo Bonucci were all rested when Juve ended the Serie A season against Bologna last Saturday, while Dani Alves was suspended.

Gianluigi Buffon, Giorgio Chiellini, Alex Sandro, Mario Mandzukic na Leonardo Bonucci bari baruhukijwe igihe Juve yasozaga shampiyona y'Ubutaliyani (Seri A) ikina na Bologna ku wa Gatandatu ushize, naho Dani Alves yari yahagaritswe.

Juve iraza kuba iyobowe na kapiteni wayo Gianluigi Buffon w'imyaka 39. Buffon ntaratwara igikombe cya Champions League na rimwe.

Buffon, umunyezamu wahamagawe mu ikipe y'Ubutaliyani inshuro 168 , yagize ati:

"Byaba ari ikintu gikomeye kuri jye."

"Byaba ari ibyishimo bikomeye ku mwuga wanjye, hamwe n'ikigombe cy'isi, kubera ko byombi byaba ari nk'igihembo- umusozo w'urugendo rukomeye rwaranzwe n'ubutwari ndetse no kwihagararaho ndetse no gukora cyane".

Juventus yatsizne Monaco 4-1 mu mikino yombi mbere yo kugera ku mukino wa nyuma.

Mu gihe Real Madrid yasezereye Atletico Madrid iyitsinze 4-2 mu mikino yombi kandi irashaka guhagarara ku gikombe cyayo yatwaye umwaka ushize.

Umutekano wakajijwe

Uwufise ububasha kw’isanamu PA
Image caption Umutekano wakajijwe mbere y'umukino wa nyuma wa Champions League i Cardiff

Nyuma y'igitero cyagabwe i Manchester kikica abantu 22 ku itariki ya 22 z'ukwa Gatanu, umutekano uraza kuba wakajijwe kuri uyu wa Gatandatu.

Ku nshuro ya mbere igisenge cya sitade ya Mellennium kiraza kuba gifunze ku mukini wa nyuma wa Champions League nyuma y'uko ishyirahamwe ry'umupira w'amaguru muri Wales ryavuze ko umutekano uza ku isonga.

Abafana ntibaza kwemererwa gutwara ibikapo kuri sitade kandi basabwe kugera kuri sitade amasaha abiri mbere y'umukino.