Riyad Mahrez: Umutoza wa Arsenal, Arsene Wenger arashaka umukinnyi wa Leicester

Riyad Mahrez Uwufise ububasha kw’isanamu EPA
Image caption Mahrez yatsize ibitego 10 anatanga imipira irindwi yavuyemo ibitego bya Leicester bituma irangiza ku mwanya wa 12 muri shampiyona. Naho igarukira muri 1/4 cya Champions League.

Umutoza wa Arsenal, Arsene Wenger, yavuze ko ashaka umukinnyi wa Leicester Riyad Mahrez ariko ko bataramugereka.

Mahrez w'imyaka 26 y'amavuko yashyize umukjono ku maszerano y'imyaka ine mu kwezi kwa Munani ariko kuva icyo gihe yasabye ikipe ye ko ashaka kuyivamo.

Yafashije Leicester gutwara igikombe cya shampiyona ku buryo butatekerezwaga na benshi mu mwaka wa 2015-2016 ariko uyu mwaka yarangije iri ku mwanya wa 12.

Wnger yagize ati:

"Twaramugeretse? Oya. Ntibiraba. Kuba bitaraba bisobanura ko bishobora kuba, bishobora no kutaba."

Mahrez yagiye muri Leicester avuye mu Bufaransa mu ikipe ya Le Havre ku kiguzi gitekerezwa kuba amapawundi 400.000 mu mwaka wa 2014 ndetse umwaka ushize yatowe nk'umukinnyi mwiza muri shampiyona.

Aganira n'ikinyamakuru cy'imikino BEin Sports Wenger yongeyeho ati:

"Ntekereza ko yagize uruhare igihe Leicester yatwaraga igikombe, kimwe n'abandi bose."

"Iyi shampiyona yarahindutse ariko ntibimubuza kuba afite ubuhanga."