Rafael Nadal ntazitabira irushanwa rya Aegon

Nadal yatsinze irushanwa rya French Open inshuro 10 mu myaka 13 Uwufise ububasha kw’isanamu AFP
Image caption Nadal yatsinze irushanwa rya French Open inshuro 10 mu myaka 13

Nadal, Umunyespanye w'imyaka 31 y'amavuko, yesheje umuhigo wo gutsinda irushanwa rya French Open ku nshuro ya cumi ku cyumweru. Yavuze ko yakiniye "igihe kirekire ku kibuga cy'itaka uyu mwaka".

Nadal, nimero ya kabiri ku rutonde rw'abakinnyi ba tenisi ku isi, yagize ati: "Umubiri wanjye ukeneye kuruhuka kugira ngo nzabe niteguye gukina irushanwa rya Wimbledon".

Yegukanye irushanwa rya Wimbledon mu mwaka wa 2008 n'uwa 2010.

Irushanwa rya Aegon rizatangira ku itariki 19 z'ukwezi kwa gatandatu, naho irya Wimbledon ritangire ku itariki 3 z'ukwezi kwa karindwi.

Nadal yagize ati: "Mfite agahinda ko gufata uyu mwanzuro kubera ko nkunda irushanwa rya Aegon".

Yongeyeho ati: "Naritsindiye mu mwaka wa 2008 kandi buri gihe cyose nageze ku mukino wa nyuma wa Wimbledon, habaga ari nyuma yo kwitabira iri rushanwa rya Aegon".

Umwongereza Andy Murray uri ku mwanya wa mbere mu mukino wa tenisi ku isi, azaba agerageza kongera kwisubiza iri rushanwa rya Aegon. Rizaba ririmo bane mu bakinnyi icumi ba mbere mu mukino wa tenisi ku isi.