Mayweather azarwana na McGregor

Floyd Mayweather ku wa gatatu yashyize videwo ngufi ku rubuga nkoranyambaga rwa Twitter, avuga kubijyanye n'iyo mirwano Uwufise ububasha kw’isanamu Floyd Mayweather / Twitter
Image caption Floyd Mayweather ku wa gatatu yashyize videwo ngufi ku rubuga nkoranyambaga rwa Twitter, avuga kubijyanye n'iyo mirwano

Ni umukino bamwe bise "byendagusetsa" ariko ushobora gutuma aba bagabo bombi batsindira amafaranga miliyoni 100 z'amadolari y'Amerika.

Mayweather w'imyaka 40 y'amavuko yashyize videwo ku rubuga nkoranyambaga rwa Twitter yemeza ko uwo mukino uzaba.

Yagize ati: "Ni impamo".

McGregor, Umunya-irlande w'imyaka 28 y'amavuko ufite umuhigo wo guterura ibintu bitaremereye, na we yagize ati: "Imirwano izaba".

Uyu mukino, w'abateramakofi b'ibiro bicye n'ibiri mu rugero, uzaba ari umwe mu yihenze cyane mu mateka y'iteramakofi.

Mayweather, ufatwa nk'umuteramakofi w'intyoza kurusha abandi bose bo mu gihe cye, yagiye mu kiruhuko mu mwaka wa 2015 adatsinzwe na rimwe mu mirwano 49 yitabiriye.

Naho McGregor, utarigeze na rimwe akina iteramakofi bya kinyamwuga, afite umuhigo wo mu kwezi kwa cumi na kumwe mu mwaka wa 2016 mu mikino njyarugamba ikomatanye.

Yigeze gukabya Mayweather ngo bazarwane mu mikino njyarugamba ikomatanye.

Mu kwezi kwa cumi na kabiri mu mwaka wa 2016, nibwo akanama k'imikino ngororamubiri ko muri Leta ya California kahaye McGregor uruhushya rw'iteramakofi rumwemerera gukinira muri Leta Zunze Ubumwe z'Amerika.

Bwana White, uhagarariye McGregor, yagize ati:

"Impamvu Conor McGregor ari umuntu ukomeye nkuko ameze nuko ahangara umuntu uwo ari we wese, aho ari ho hose n'igihe icyo ari cyo cyose. Azahangana na Floyd Mayweather kandi azagerageza kumutsinda".