Murray ngo gukina tennis mu rwego rwo hejuru biragenda bimusiga

Andy Murray Uwufise ububasha kw’isanamu Getty Images

Umwongereza Andy Murray - wa mbere mu mukino wa Tennis - aravuga ko ashigaje imyaka mike yo gukina uwo mukino mu rwego rwo hejuru.

Yongeyeho ko agiye kujya yitanga kurushaho muri buri rushanwa rya Tennis.

Andy Murray, w'imyaka 30, muri uyu mwaka arashaka kwegukana igikombe cy'irushanwa rya Wimbledon ku nshuro ya gatatu.

Biramutse bimuhiriye yaba ageze ku muhigo weshejwe na Fred Perry.

Mu kiganiro yagiranye na BBC, Andy Murray, avuga ku kuntu akunda irushanwa rya Wimbledon, gukora amakosa n'icyo azakora mu kiruhuko cy'izabukuru.

Irushanwa rya Wimbledon, Murray yatsinze muri 2013 na 2016, rizatangira ku itariki ya 3 z'ukwezi kwa karindwi.

Bwana Murray aravuga ko abafana be bazaba biteze ko n'igikombe cy'uyu mwaka azagitwara.