Umukuru w'ishyirahamwe ry'umupira w'amaguru muri Tanzania yafunzwe

Jamal Malinzi yayoboye ishyirahamwe ry'umupira w'amaguru muri Tanzania kuva mu kwezi kwa cumi kwa 2010
Image caption Jamal Malinzi yayoboye ishyirahamwe ry'umupira w'amaguru muri Tanzania kuva mu kwezi kwa cumi kwa 2010

Yatawe muri yombi hamwe na Selestine Mwesigwa, umunyamabanga mukuru w'ishyirahamwe ry'umupira w'amaguru muri Tanzania.

Bombi bafashwe mu ijoro ryakeye. Biteganyijwe ko bahatwa ibibazo bwa kabiri kuri uyu wa kane.

Musa Misalaba, umuvugizi w'urwego rw'igihugu rwo gukumira no kurwanya ruswa, yongeyeho ko aba bombi bazaguma bafunze kugeza hagize igihinduka, bahatwa ibibazo.

Batawe muri yombi nyuma y'iperereza rirerire ryakozwe n'urwego rw'igihugu rwo gukumira no kurwanya ruswa. Amakuru ajyanye n'ibirego nyirizina baregwa ntaratangazwa.

Misalaba yavuze ko uru rwego rukomeje gukora iperereza ku bandi bayobozi b'amashyirahamwe y'imikino ku birego nk'ibi bya ruswa.