Nathan Ake yerekeje muri Bournemouth

Nathan Ake yakiniye Chelsea imikino 17 mu myaka ine yamaze muri Chelsea Uwufise ububasha kw’isanamu Getty Images
Image caption Nathan Ake yakiniye Chelsea imikino 17 mu myaka ine yamaze muri Chelsea

Uyu Muholandi w'imyaka 22 y'amavuko yakiniye ikipe ya Bournemouth nk'intizanyo mu mwaka ushize w'imikino, atsinda ibitego bitatu mu mikino 12 mbere yuko yisubizwa na Chelsea.

Biravugwa ko yaguzwe miliyoni 20 z'amapawundi akoreshwa mu Bwongereza.

Akuyeho agahigo k'amafaranga menshi yari yarigeze kugurwa umukinnyi na Bournemouth - yari miliyoni 15 z'amapawundi zaguzwe umukinnyi wo ku ruhande, Jordon Ibe, wakiniraga Liverpool, hari mu kwezi kwa karindwi mu mwaka wa 2016.

Ake yasinye amasezerano y'igihe kirekire, akaba abaye umukinnyi wa gatatu usinyiye Bournemouth muri iri ki.

Rutahizamu w'Umwongereza, Jermain Defoe, yasinye ku wa kane avuye mu ikipe ya Sunderland. Naho umunyezamu w'ikipe y'igihugu ya Bosnia, Asmir Begović, we yageze muri Bournemouth avuye muri Chelsea mu kwezi kwa gatanu.

Ake yagize ati: "Nitwaye neza mu mwaka ushize w'imikino rero ndishimye cyane kugaruka. Abafana ntibarabona ibyiza byose nshoboye".

Eddie Howe, umutoza wa Bournemouth, yavuze ko Ake ari umukinnyi mwiza, ukiri urubyiriko kandi ufite ejo hazaza heza.