Amakipe 24 niyo azahatanira igikombe cya CAN

Imikino ya nyuma y'igikombe cya Afurika cy'ibihugu guhera muri 2019 izajya ikinwa n'amakipe 24.
Image caption Imikino ya nyuma y'igikombe cya Afurika cy'ibihugu guhera muri 2019 izajya ikinwa n'amakipe 24.

Imikino ya nyuma y'igikombe cya Afurika cy'ibihugu - CAN - izabera muri Cameroon muri 2019 izakinwa n'amakipe 24.

Komite nyobozi y'impuzamashyirahamwe y'umupira w'amaguru muri Afurika, CAF, ibyo yabyemereje mu nama yabereye kuri uyu wa kane i Rabat mu murwa mukuru wa Maroc.

Guhera muri 1996 imikino ya nyuma y'iri rushanwa yakinwaga n'amakipe 16.

Icyemezo cyo kumenya niba amezi iyo mikino ikinwamo azahindurwa ikavanwa mu kwa mbere n'ukwa kabiri igashyirwa mu kwa gatandatu n'ukwa karindwi kiracyategerejwe.

Kongera umubare w'amakipe akina imikino ya nyuma y'igikombe cya Afurika cy'ibihugu bishobora gutera ibibazo igihugu cya Cameroon gikomba kuyakira muri 2019.

Byabaye ngomba muri kino cyumweru ko ministri ushinzwe imikino muri icyo gihugu anyomoza amakuru yavugaga ko imyiteguro yo kuyakira yakerewe.