Mourinho aravuga ko De Gea atazerekeza muri Real Madrid

Real Madrid yari yemeye kugura De Gea kuri miliyoni 29 z'amapawundi mu mwaka wa 2015 Uwufise ububasha kw’isanamu Getty Images
Image caption Real Madrid yari yemeye kugura De Gea kuri miliyoni 29 z'amapawundi mu mwaka wa 2015

Umutoza Jose Mourinho aravuga ko yizeye "ijana ku ijana" ko umunyezamu David de Gea azaguma muri Man Utd muri uyu mwaka w'imikino.

De Gea, Umunyespanye w'imyaka 26 y'amavuko, yongeye kuvugwa ko yakwerekeza muri Real Madrid, nyuma y'imyaka ibiri amasezerano yo kumugura aburiyemo ku munota wa nyuma kubera atoherejwe ku gihe.

Mourinho yabaye nk'uwerura ko Man Utd yari yiteguye kugurisha De Gea ku mpeshyi ishize. Ariko yavuze ko ubu ibyo byahindutse.

Yagize ati: "Nakwemeza ko atazagenda uyu mwaka".

Image caption Sergio Romero yakiniye Manchester United imikino 18 umwaka ushize

Mourinho yavuze ko De Gea "arishimye cyane, arashishikaye kandi arakora cyane kurusha mbere" ariko avuga ko ubu nta cyizere agifite cyo gutangira mu bakinnyi 11 babanza mu kibuga.

Sergio Romero, Umunyezamu w'Umunyargentina w'imyaka 30 y'amavuko, yicaje cyane De Gea mu mwaka ushize w'imikino. Ndetse ni na we yatoranyijwe ku mukino wa nyuma wa Europa League ubwo Man Utd yatsindaga Ajax.

Mu cyumweru gishize, Romero yongereye kontaro yo gukinira Man Utd kugera mu mwaka wa 2021.

Bombi - Romero na De Gea - buri umwe arakina mu gihe cy'iminota 45 ubwo baza kuba bahura na Real kuri iki cyumweru.